Llywodraethiant data

Un o gysyniad rheoli data yw llywodraethiant data sy'n sicrhau fod ansawdd y data yn dda drwy gydol cylch bywyd y data. Oddi fewn y pwnc ceir is-adrannau megis argaeledd y data, defnyddioldeb, cysondeb, cywirdeb a diogelwch y data ac mae hefyd yn cynnwys sefydlu prosesau i sicrhau rheolaeth data effeithiol e.e. fel atebolrwydd os yw ansawdd y data yn wael, a sicrhau y gellir defnyddio'r data drwy'r cwmni neu'r sefydliad cyfan.^[1]

Gwaith stiward y data yw sicrhau fod prosesau llywodraethiant Data yn cael eu dilyn, argymhellion yn cael eu dilyn ac awgrymu gwelliannau i'r prosesau hyn.

Trosolwg

Yn grynno: mae llywodraethiant data yn cynnwys y bobl sydd ynghlwm wrth y gwaith, y prosesau a'r technoleg gwybodaeth sydd eu hangen i greu a thrin y data mewn modd cyson a chywir ar draws y fenter. Mae'n gosod sylfaen gadarn ac yn darparu ymarfer da, y strategaeth a'r strwythur angenrheidiol sydd eu hangen i sicrhau bod data'n cael ei reoli fel ased a'i drawsnewid yn wybodaeth ystyrlon.^[2] Gellir diffinio nodau ar bob lefel o'r fenter fel bod y prosesau hyn yn cael eu defnyddio. Ymhlith y nodau pwysicaf mae:^[3]

Gwella cysondeb wrth wneud penderfyniadau
Gostwng y posibilrwydd o ddirwyon rheolaethol
Gwella diogelwch y data
Gwella'r incwm a gynhyrchir a'r incwm potensial
Dynodi atebolrwydd am ansawdd y wybodaeth
Galluogi gwell cynllunio gan y staff sy'n goruchwylio'r gwaith
Lleihau, neu ddileu'r angen i ail-wneud rhai prosesau heb fod eu hangen
Gwella effeithiolrwydd y staff
Gwella prosesau perfformiad
Cydnabod y camau da sy'n cael eu creu.

Gwireddir y nodau hyn trwy weithredu rhaglenni (neu fentrau) llywodraethu data, gan ddefnyddio technegau Rheoli Newid.

Pan fydd cwmnïau'n dymuno neu'n cael eu gorfodi i reoli data, yna maent yn grymuso eu staff, yn sefydlu prosesau ac yn cael cymorth gan dechnoleg i wneud hyn.^[4]

Mae llywodraethiant data, felly, yn fath o reoli ansawdd er mwyn asesu, rheoli, defnyddio, gwella, monitro, cadw ac amddiffyn gwybodaeth oddi fewn i gwmni neu sefydliad. Mae'n creu model sy'n nodi pwy gaiff wneud beth: pa staff sy'n cymryd y camau angenrheidiol, pa ran o'r data a ddefnyddir, dan ba amgylchiadau a pha ddulliau a ddefnyddir.^[5]

Enghreifftiau

Llywodraethiant data agored:

Eraill:

DAMA International
Data Governance Professionals Organization (DGPO)
The Data Governance Society
The Data Governance Council
Enterprise Data Management Council (EDM Council)
IQ International—the International Association for Information and Data Quality
The Compliance Governance and Oversight Council

Cyfeiriadau

↑ data governance (DG) Cyhoeddwyd gan TechTarget
↑ [http: //www.lightsondata.com/ what-is-data-governance / "Beth yw Llywodraethu Data? - LightsOnData"] Check |url= value (help). LightsOnData (yn Saesneg). 2018-01-29. Unknown parameter |mynediad-date= ignored (help)
↑ Gianni, D., (2015, Jan). Data Policy Definition and Verification for System of Systems Governance, in Modeling and Simulation Support for System of Systems Engineering [1]
↑ Sarsfield, Steve (2009). "The Data Governance Imperative", IT Governance.
↑ "The DGI Data Governance Framework" (PDF). Archifwyd o'r gwreiddiol (PDF) ar 2018-10-25. Cyrchwyd 2019-02-10.

[1] ta governance (DG) Cyhoeddwyd gan TechTarget

[2] [http: //www.lightsondata.com/ what-is-data-governance / "Beth yw Llywodraethu Data? - LightsOnData"] Check |url= value (help). LightsOnData (yn Saesneg). 2018-01-29. Unknown parameter |mynediad-date= ignored (help)

[3] Gianni, D., (2015, Jan). Data Policy Definition and Verification for System of Systems Governance, in Modeling and Simulation Support for System of Systems Engineering [1]

[sarsfield-4] Sarsfield, Steve (2009). "The Data Governance Imperative", IT Governance.

[The_DGI_Data_Governance_Framework-5] "The DGI Data Governance Framework" (PDF). Archifwyd o'r gwreiddiol (PDF) ar 2018-10-25. Cyrchwyd 2019-02-10.

[1]

[2]

[3]

[4]

[5]