Mark Burns
Roedd Mark Burns (30 Mawrth 1936 – 8 Mai 2007) yn actor ffilm a theledu o Loegr.
| Mark Burns | |
|---|---|
| Ganwyd | 30 Mawrth 1936  Bromsgrove |
| Bu farw | 8 Mai 2007 Llundain |
| Dinasyddiaeth | y Deyrnas Unedig |
| Alma mater |
|
| Galwedigaeth | actor, golygydd ffilm, actor ffilm, actor teledu |
| Priod | Jane How, Paulene Stone |
| Gwobr/au | Sitges Film Festival Best Actor award |
Bywgraffiad
golyguGanwyd Burns yn Bromsgrove, Swydd Gaerwrangon ac fe'i haddysgwyd yng Ngholeg Ampleforth, Gogledd Swydd Efrog. Yn wreiddiol, roedd yn bwriadu mynd i mewn i'r offeiriadaeth, ond ar ôl comisiwn gwasanaeth-byr gyda'r 15fed / 19eg, King's Royal Hussars (1955-57), lle'r oedd yn gwasanaethu yn Malaya a Gogledd Iwerddon, daeth yn actor. Dechreuodd ei yrfa yn 1960 gyda'r ffilm Tunes of Glory ac yna'r cyfresi teledu Lorna Doone (1963) a Rupert of Hentzau (1964). Un o'i rhannau mwyaf amlwg oedd y brif rhan gwrywaidd yn y ffilm ddirgel 1966 Death Is a Woman.[1] Ymddangosodd Burns hefyd yn y bennod "The Scales of Justice" oThe Saint, a pennod "It's Your Funeral" o The Prisoner' fel cynorthwyydd Rhif Dau.[2][3]
Chwaraeodd rhan William Morris yn The Charge of the Light Brigade (1968), Bernie yn A Day at the Beach (1970), y pianydd Alfred in Death in Venice (1971) a Hans von Bülow yn Ludwig (1972). Chwaraeodd Mark Burns ei rôl fawr gyntaf yn House of the Living Dead gan Ray Austin ym 1974 ac enillodd y wobr am yr actor gorau ym 1974 yng Ngŵyl Ffilmiau Sitges.[4] Ym 1975, ynghyd â Lynne Frederick, cymerodd ran yn A Long Return gan Pedro Lazaga. Ymddangosodd hefyd yn Count Dracula (1977) a The Bitch (1979). Arafodd ei waith yn yr 1980au a'r 1990au, gan ymddangos yn y ffilm Stardust (2007) am y tro olaf. Bu farw o ganser yr ysgyfaint.
Cyfeiriadau
golygu- ↑ "Death Is a Woman (1966)". BFI. Archifwyd o'r gwreiddiol ar 2012-08-09. Cyrchwyd 2018-07-04.
- ↑ "The Scales of Justice (1969)". BFI. Archifwyd o'r gwreiddiol ar 2015-11-17. Cyrchwyd 2018-07-04.
- ↑ "It's Your Funeral (1967) - BFI". BFI. Archifwyd o'r gwreiddiol ar 2015-09-22. Cyrchwyd 2018-07-04.
- ↑ "The Unmutual News Archive - Mark Burns RIP (Portmeirion/Prisoner/McGoohan)". theunmutual.co.uk.