Martin van Maële

Roedd Martin van Maële neu'n llawn: Maurice François Alfred Martin van Miële (12 Hydref 1863 – 5 Medi 1926) yn ddylunydd llyfrau o Ffrainc. Ei lysenw oedd 'Martin van Maële' ac weithiai roedd yn llofnodi'i waith fel A. Van Troizem. Ei waith pob dydd oedd dylunio llyfrau, yn enwedig rhai erotig, dychanol.

Martin van Maële
Llun gan Martin van Maële: La Grande danse macabre des vifs
Ffugenw	Martin Van Maele
Ganwyd	Maurice François Alfred Martin van Miële  12 Hydref 1863  Boulogne-Billancourt
Bu farw	5 Medi 1926  Varennes-Jarcy
Dinasyddiaeth	Ffrainc
Galwedigaeth	darlunydd
Tad	Alfred Louis Martin

Mae rhai o'i ddarluniau fel cartŵnau, fel yr un yma a dynnodd yn 1905.

Geni a teulu

Fe'i ganed yn Boulogne sur Seine ger Paris ble roedd ei dad hefyd yn arlunydd.

Priododd Marie Françoise Genet; ond ni chawsant blant.

La Grande Danse macabre des vifs (1905)

Gwaith

Gweithiodd ym Mrwsel a Paris. Mae'n fwyaf enwog am ddylunio llyfr o gerddi 'Paul Verlaine', a gyhoeddwyd yn gyfrinachol. Cyn hynny roedd wedi dylunio un o lyfrau H. G. Wells - Les Premiers Hommes dans la Lune (neu Dynion ar y Lleuad), (Felix Juven, 1901). Yr un flwyddyn, dyluniodd Van Maële lyfr gan Anatole France - Thais, cyhoeddwyd gan Charles Carrington.

Marw

Bu farw ar 5 Medi 1926, yn 62 oed, a'i gladdu ym mynwent Varennes-Jarcy.

Gweler hefyd

• Édouard-Henri Avril

Dolenni allanol

Comin Wikimedia

Mae gan Gomin Wikimedia
gyfryngau sy'n berthnasol i:

Martin van Maële

• The Erotica Bibliophile Martin van Maële
• History of Art: Erotica in Art - Martin van Maële Archifwyd 2007-10-30 yn y Peiriant Wayback