Megan York
Chwaraewr rygbi'r undeb o Gymru yw Megan York (ganwyd 16 Ebrill 1987). Mae'n chwarae yn safle'r prop dros Glwb Rygbi Ynysddu a thîm rygbi merched undeb cenedlaethol Cymru. Enillodd ei chap rhyngwladol cyntaf yn erbyn Yr Alban ym Mhencampwriaeth Chwe Gwlad y Merched 2012, gan sgorio ei chais cyntaf yn erbyn Lloegr yn 2013.
| Megan York | |
|---|---|
| Ganwyd | 16 Ebrill 1987  Pont-y-pŵl |
| Dinasyddiaeth | y Deyrnas Unedig |
| Galwedigaeth | chwaraewr rygbi'r undeb |
| Chwaraeon | |
| Tîm/au | Tîm rygbi'r undeb cenedlaethol merched Cymru |
| Gwlad chwaraeon | Cymru |
Cafodd York ei eni yng Nghasnewydd, Gwent ar 16 Ebrill 1987, mae ei phroffil swyddogol ar wefan Undeb Rygbi Cymru yn nodi ei bod yn 1.57 metr (5.2 troedfedd) o uchder, ac yn pwyso 76 cilogram (12.0 stôn).[1]
Gyrfa
golyguWedi chwarae'n dda i'w chlwb yn ystod tymor 2011-12, daeth hi i sylw'r detholwyr ar gyfer y tîm cenedlaethol a chafodd ei dewis ar gyfer Pencampwriaeth Chwe Gwlad y Merched 2012. Gwnaeth ei début trwy gael ei dwyn ymlaen fel eilydd yn y 67ain munud yn erbyn yr Alban; enillodd Cymru'r gêm 20-0. Yn nhwrnamaint 2012-13 sgoriodd ei chais cyntaf mewn gêm a gollwyd yn erbyn Lloegr.
Cafodd cais buddugol York yn erbyn Ffrainc ar y Gnoll ym Mhencampwriaeth y Chwe Gwlad 2016 ei gymharu ag un a sgoriwyd gan Graham Price ar ei ymddangosiad rhyngwladol cyntaf yn erbyn Ffrainc ym 1975[2]. Disgrifiodd Nick Webb ar Sports Wales BBC Cymru cais York fel un "gwych". Llwyddodd cais gan Yorke i roi buddugoliaeth i Gymru yn erbyn Ffrainc am ddim ond y bedwaredd tro yn hanes y twrnamaint gan gymhwyso Cymru ar gyfer Cwpan Byd y Merched yn 2017. Ar hyn o bryd mae hi'n chwarae i Glwb Rygbi Ynysddu a Dreigiau Casnewydd Gwent.
Cyfeiriadau
golygu- ↑ "Megan York". Wales Rugby Union. Archifwyd o'r gwreiddiol ar 2016-06-10. Cyrchwyd 25 Mai 2016.
- ↑ JUST WHO IS TOP OF THE PROPS... PRICEY OR MEGAN?-a0445226551[dolen farw] The Free Library. (2016). Adalwyd Mai 25, 2016