Llwyth Belgaidd yng ngogledd-ddwyrain Gâl oedd Menapii. Yn ôl Strabo a Ptolemi, roedd eu tiriogaethau o gwmpas aber Afon Rhein ac yn ymestyn tua'r de ar hyd Afon Schelde. Eu civitas oedd Cassel, yn awr yn Ffrainc, gerllaw Terouanne.

Menapii
Enghraifft o'r canlynolgrwp ethnig hanesyddol Edit this on Wikidata
MathY Galiaid Edit this on Wikidata
Rhan oBelgae, Y Celtiaid Edit this on Wikidata
Tudalen Comin Ffeiliau perthnasol ar Gomin Wicimedia
Tŷ o gyfnod y Menapii wedi ei ail-greu yn Destelbergen

Ymladdodd y Menapii yn erbyn Iŵl Cesar yn ystod ei ymgyrchoedd yn Ngâl. Roeddynt yn rhan o'r cynghrair Belgaidd a orchfygwyd gan Cesar yn 57 CC, a'r flwyddyn wedyn gwnaethant gynghrair â'r Veneti yn erbyn Cesar. Er i Gesar eu gorchfygu eto, gwrthododd y Menapii a'r Morini ildio.

Yn 54 CC ymunasant a gwrthryfel Ambiorix, ac arweiniodd Cesar bum lleng yn eu herbyn. Y tro hwn, gorfodwyd y Menapii i ildio, a gosododd Cesar Commius o lwyth yr Atrebates yn frenin arnynt.

Roedd Carausius, a'i cyhoeddodd ei hun ym ymerawdwr Prydain a gogledd Gâl yn y 3g yn perthyn i'r Menapii, ac yn enedigol o Batavia.