Metamorffosis (llyfr)

Mae’r llyfr Metamorffosis yn addasiad o Die Verwandlung gan yr awdur Franz Kafka. Mae'r testun wedi'i gyfieithu ac addasu ar gyfer dysgwyr Cymraeg. Fe'i gyhoeddwyd gan Iawn.Cymru.

Metamorffosis

Awdur	Franz Kafka
Addasiad o	Die Verwandlung, 1915
Iaith	Cymraeg
Genre	Llyfr i ddysgwyr Cymraeg
Cyhoeddwyd	Haf 2021
Cyhoeddwyr	Iawn.Cymru
ISBN	978-1-5272-8579-8 (E-lyfr: 978-1-5272-9128-7)
Fformatiau	Llyfr: clawr-feddal E-lyfr: epub

Y gwaith a’r awdur

Ysgrifennwyd y gwreiddiol yn Almaeneg ac fe’i cyhoeddwyd yn gyntaf yn 1915 mewn cylchgrawn llenyddol misol.

Mae'r stori'n adrodd hanes Gregor Samsa sydd yn deffro un bore i ddarganfod ei fod wedi'i newid i mewn i rhyw fath o bryf ffiaidd. Nid yw'r rheswm dros y newid byth yn cael ei egluro. Wrth geisio deall beth sydd wedi digwydd iddo mae Gregor yn disgrifio ymateb ei deulu a sut mae ei gyflwr newydd yn codi arswyd arnyn nhw. Mae’r gwaith wedi profocio dehongliadau di-ri.

Daeth waith Kafka yn hynod o ddylanwadol yn ystod ail hanner yr 20 ganrif gan ysbrydoli nifer fawr o ysgrifenwyr, beirdd ac artistiad cerddorol.

Cyfieithiadau

Mae’r Metamorffosis yn un o weithiau enwocaf Kafka ac wedi'i gyfieithu i nifer fawr o ieithoedd y byd.

Mae’n bosib gyfieithu teitl y llyfr Die Verwandlung fel 'Y Cyfnewid' neu 'Y Metamorffosis'.

Cyfieithwyd y fersiwn iaith Sbaeneg yn gyntaf gan yr awdur enwog Jorge Luis Borges yn 1935.

Mae brawddeg agoriadol y bennod gyntaf yn yr Almaeneg wreiddiol, a sut i gyfieithu i beth mae Gregor bellach wedi newid iddo, wedi cael eu hastudio a'u trafod ledled y byd. Mae llawer o gyfieithiadau yn dweud fod Gregor wedi'i gyfnewid i bryf. Ond yn y fesiwn gwreiddiol mae'r geiriau Almaeneg ungeheures Ungeziefer yn awgrymu ei fod yn 'fermin anferthol' neu 'ysglyfaeth enfawr'.

Fersiwn i ddysgwyr Cymraeg

Mae'r addasiad Cymraeg 2021 wedi'i anelu at ddysgwyr Cymraeg lefel ganolradd ac yn defnyddio geirfa a ffurfiau gramadegol wedi'u symleiddio. Mae pob tudalen y llyfr yn cynnwys help i'r dysgwyr deall y geiriau a berfau.