Mudiad dinesyddion sofran
Mudiad gwrth-lywodraethol yn yr Unol Daleithiau yw'r mudiad dinesyddion sofran. Mae aelodau'r mudiad yn credu eu bod yn atebol i'r gyfraith gyffredin yn unig ac nid yn ddarostyngedig i statudau, boed ar y lefel ffederal, taleithiol, neu fwrdeistrefol, ac maent yn ceisio anwybyddu'r awdurdodau llywodraethol, gan gynnwys y llysoedd, yr heddlu, asiantaethau trethu, ac asiantaethau cofrestru cerbydau a thrwyddedu gyrwyr. Maent yn honni eu bod yn ddinesyddion "sofran" gan eu bod yn gwrthod awdurdod y llywodraeth dros eu bywydau, tra bo "dinesyddion ffederal" yn ildio'u hawliau trwy dderbyn y gyfraith ffederal.[1] Maent yn ystyried y Pedwarydd Welliant ar Ddeg i'r Cyfansoddiad, y Cod Masnach Unffurf, a darnau eraill o ddeddfwriaeth yn gyfrifol am droi Americanwyr yn ddinesyddion ffederal.
Mae nifer o lysoedd ac asiantaethau llywodraethol wedi gwrthod dadleuon aelodau'r mudiad. Mae'r Biwro Ymchwil Ffederal (FBI) yn ystyried y mudiad yn "fygythiad terfysgol mewnol".[2]
Gweler hefyd golygu
- Rhyddfreinwyr ar y tir, mudiad tebyg ym Mhrydain a gwledydd eraill
- Mudiad adbryniad, mudiad sy'n seiliedig ar ddamcaniaeth gydgynllwyniol bod llywodraeth yr Unol Daleithiau yn defnyddio'i dinesyddion fel sicrwydd cyfochrog yn erbyn dyled dramor
- Mudiad Gwladgarol Cristnogol, mudiad Americanaidd tebyg gyda phwyslais ar Gristnogaeth
- Mudiad milisia, mudiad Americanaidd adain dde ag agweddau tebyg
- Protestwyr treth, mudiad yn yr Unol Daleithiau sy'n gwrthwynebu trethiant
Cyfeiriadau golygu
- ↑ (Saesneg) Carey, Kevin (Gorffennaf 2008). Too Weird for The Wire. Washington Monthly. Adalwyd ar 9 Ionawr 2012.
- ↑ (Saesneg) Domestic Terrorism: The Sovereign Citizen Movement. Biwro Ymchwil Ffederal (Ebrill 2010). Adalwyd ar 9 Ionawr 2012.