Neil Warnock
Mae Neil Warnock (ganwyd 1 Rhagfyr 1948) yn rheolwr pêl-droed o Loegr, a reolodd tîm Dinas Caerdydd rhwng 2016 a 2019. Mae ei yrfa fel rheolwr pêl-droed wedi para 35 mlynedd hyd yn hyn. Mae e hefyd yn gyn-chwaraewr pêl-droed, ac yn gweithio fel pyndit ar y teledu ac ar y radio. Mae'n meddu ar y record am y nifer fwyaf o ddyrchafiadau (8) ym mhêl-droed yn Lloegr.
| ||
| Manylion Personol | ||
|---|---|---|
| Enw llawn | Neil Warnock | |
| Dyddiad geni | 1 Rhagfyr 1948 | |
| Man geni | Sheffield,  Lloegr
| |
| Manylion Clwb | ||
| Clwb Presennol | Caerdydd (rheolwr) | |
| Clybiau a reolwyd | ||
| 1980-1981 1981-1986 1986-1989 1989-1993 1993 1993-1995 1995-1997 1997-1998 1998-1999 1999-2007 2007-2010 2010-2012 2012-2013 2014 2015 2016 2016-2019 |
Gainsborough Trinity Burton Albion Scarborough Notts County Torquay United Huddersfield Town Plymouth Argyle Oldham Athletic Bury Sheffield United Crystal Palace Queens Park Rangers Leeds United Crystal Palace Queens Park Rangers (rheolwr dros dro) Rotherham United Caerdydd | |
|
| ||
Chwaraeodd Warnock fel asgellwr i Chesterfield, Rotherham United, Hartlepool United, Scunthorpe United, Aldershot, Barnsley, York City a Crewe Alexandra, a sgoriodd 36 gôl mewn 327 ymddangosiad cynghrair yn ei yrfa. Ymddeolodd fel chwaraewr yn 30 oed yn 1979 er mwyn dechrau hyfforddi.
Gyrfa fel rheolwr
golyguDechreuodd Warnock ei yrfa fel rheolwr gyda Gainsborough Trinity (1980-1981) a Burton Albion (1981-1986), cyn iddo ennill dyrchafiad i'r Gynghrair Bêl-droed yn 1987 gyda Scarborough yn ystod ei amser yna (1986-1989). Yna, rheolodd Notts County (1989-1993), a'u harwain nhw o'r Drydedd Gynghrair i'r Gynghrair Gyntaf mewn tymhorau olynol. Ar ôl cyfnod byr gyda Torquay United (1993), symudodd i Huddersfield Town (1993-1995) ac enillodd ddyrchafiad i'r Gynghrair Gyntaf newydd. Ymddiswyddodd ac ymunodd â Plymouth Argyle (1995-1997) a'u harwain nhw at yr Ail Gynghrair. Ar ôl iddo gael ei ddiswyddo, treuliodd amser gyda Oldham Athletic (1997-1998) a Bury (1998-1999).
Ym 1999, Ymunodd Warnock â chlwb ei blentyndod, Sheffield United, a'u harwain nhw at rownd gynderfynol Cwpan y Gynghrair a'r Cwpan FA yn 2003, a dyrchafiad i'r Uwchgynghrair yn 2006. Ymddiswyddodd yn 2007 ar ôl i'r clwb ostwng i'r Bencampwriaeth. Rheolodd Crystal Palace rhwng 2007–2010, a'u hachub rhag gostwng i Gynghrair Un. Ymunodd â Queens Park Rangers (2010–2012), ac enillant ddyrchafiad i'r Uwchgynghrair yn 2011. Cafodd ei ymddiswyddo, ac yna ymunodd â Leeds United (2012–2013). Ar ôl iddo gael ei ymddiswyddo gan Leeds roedd e heb glwb am bron i bymtheg mis cyn iddo ddychwelyd i Crystal Palace, a oedd yn yr Uwchgynghrair erbyn hyn, ym mis Awst 2014. Ym mis Rhagfyr 2014, cafodd ei ymddiswyddo gan Crystal Palace ar ôl dechreuad gwael i'r tymor. Ar ôl mis fel rheolwr dros dro gyda Queens Park Rangers, dychwelodd Warnock i Rotherham United fel rheolwr ym mis Chwefror 2016.
Clwb pêl-droed Dinas Caerdydd
golyguYmunodd Warnock â Dinas Caerdydd ym mis Hydref 2016, a'u harwain at ddyrchafiad i'r Uwchgynghrair yn 2018.[1] Er hynny, disgynnodd y clwb yn ôl i'r Bencampwriaeth y flwyddyn ganlynol. Roedd Warnock eisoes wedi cyhoeddi y byddai'n gadael ar ddiwedd y tymor. Er hynny, wedi dechrau siomedig i ddechrau tymor 2019, gadawodd y clwb ar 11 Tachwedd 2019 [2]
Cyfeiriadau
golygu- ↑ "Neil Warnock". Wikipedia. Cyrchwyd 22/05/2018. Check date values in:
|access-date=(help) - ↑ Neil Warnock yn gadael ei swydd fel rheolwr Caerdydd , BBC Cymru Fyw, 11 Tachwedd 2019.