Nyth Cacwn (cyfres deledu)
Cyfres gomedi sefyllfa Gymraeg wedi'i gosod ar fferm ddychmygol o'r un enw yng ngorllewin Cymru oedd Nyth Cacwn.[1] Ysgrifennwyd y gyfres gan Ifan Gruffydd ac Euros Lewis. Roedd y gyfres yn seiliedig ar hynt a helynt Wiliam (Ifan Gruffydd), gwas newydd a oedd wedi dod i weithio ar fferm gwraig weddw o'r enw Gwyneth (Grett Jenkins) a'i merch Delyth (Gwyneth Hopkins). Henry (Dafydd Aeron) oedd enw cariad Delyth - 'pot blodyn o ddyn' a oedd yn gweithio yn y banc - ac roedd Einon (John Phillips) yn hen was direidus a chyfrwys. Roedd y cymydog Herbert Thomas (William Vaughan) hefyd yn rhan o'r stori, gŵr parchus ag acen ogleddol a chanddo 'un llygad ar y fferm a'r llall ar Mam [Gwyneth]'.
| Nyth Cacwn | |
|---|---|
| Genre | Comedi |
| Gwlad/gwladwriaeth | Cymru |
| Iaith/ieithoedd | Cymraeg |
| Nifer cyfresi | 1 |
| Nifer penodau | 6 |
| Cynhyrchiad | |
| Amser rhedeg | 30 munud |
| Cwmnïau cynhyrchu |
Teledu'r Tir Glas |
| Darllediad | |
| Sianel wreiddiol | S4C |
| Fformat llun | 576i (4:3 SDTV) |
| Rhediad cyntaf yn | 13 Mai 1989 – 24 Mehefin 1989 |
Cafodd chwe phennod cyfres gyntaf Nyth Cacwn eu hysgrifennu yn 1988, a'u darlledu ar S4C yn 1989. Ysgrifennwyd ail gyfres, ond ni chafodd ei chomisiynu. Cynhyrchwyd y rhaglen gan Teledu'r Tir Glas.
Cast
golygu- Wiliam - Ifan Gruffydd
- Delyth - Gwyneth Hopkins
- Mam (Gwyneth) - Grett Jenkins
- Einon - John Phillips
- Henry - Dafydd Aeron
- Herbert Thomas - William Vaughan
- Gertrude (Mam Henry) - Hannah Roberts
- Twm Post - Phyl Harries
- Anti Popi - Gwenyth Petty
Penodau
golygu- Wiliam
- Trafferth gyda'r Hwrdd
- Godro'r Fuwch
- Y Briodas
- Wyau Clwc
- Y Dyweddïo