Orbital atomig
Ffwythiant mathemategol sy'n disgrifio ymddygiad tonnol naill ai un electron neu bâr o electronau mewn atom ydy orbital atomig.[1] Mae'r ffwythiant hwn yn gallu cael ei ddefnyddio i gyfrifo'r posibilrwydd o ddod o hyd i electron mewn unrhyw adran o gwmpas niwclews yr atom.
 | |
| Enghraifft o'r canlynol | math o ffwythiant mathemategol  |
|---|---|
| Math | ffwythiant, orbital |
 Ffeiliau perthnasol ar Gomin Wicimedia | |
Mae pob orbital mewn atom yn cael ei nodweddu gan set unigryw o werthoedd y tri rhif cwantwm n, ℓ, ac m, sy'n cyfateb i egni'r electron, momentwm onglaidd a chydran fector momentwm onglaidd, yn ôl eu trefn. Gall unrhyw orbital gael ei feddiannu gan uchafswm o ddau electron, pob un â'i rhif cwantwm sbin ei hun. Mae'r enwau orbital s, p, d ac f yn cyfeirio at orbitalau gyda rhif cwantwm momentwm onglaidd (ℓ) o 0, 1, 2 a 3 yn ôl eu trefn. Mae'r enwau hyn, ynghyd â'r gwerth n, yn cael eu defnyddio i ddisgrifio ffurfweddau electronau.
Cyfeiriadau
golygu- ↑ Orchin, Milton; Macomber, Roger S.; Pinhas, Allan; Wilson, R. Marshall (2005). Atomic Orbital Theory (PDF).
