Peiriant metachwilio
Offeryn chwilio yw peiriant metachwilio sy'n anfon ymholiadau chwilio defnyddiwr i sawl peiriant chwilio arall ac/neu i gronfeydd data ac sy'n crynhoi'r canlyniadau mewn rhestr unigol neu'n eu dangos yn ôl eu ffynhonnell wreiddiol. Mae peiriannau metachwilio yn galluogi defnyddwyr i gael mynediad at anoddau sawl peiriant chwilio gyda'i gilydd trwy roi un set o ofynion yn unig ynddo. Sail bodolaeth peiriannau metachwilio yw'r gred fod y We yn rhy fawr erbyn hyn i un peiriant chwilio ar ben ei hun fedru creu mynegiad ohoni i gyd ac felly gellir cael canlyniadau chwilio llawer mwy cynhwysfawr trwy ddefnyddio adnoddau sawl peiriant chwilio gyda'i gilydd. Gall hyn arbed defnyddio mwy nag un peiriant unigol yn olynol hefyd.
![](http://upload.wikimedia.org/wikipedia/commons/thumb/6/63/Meta-search-en.svg/250px-Meta-search-en.svg.png)
Defnyddir y term 'metachwilio' gan amlaf i gyfeirio at ddosbarth o beiriannau chwilio masnachol ar y we, ond yn dechnegol fe'i defnyddir hefyd i ddisgrifio'r paradigm o chwilio unrhyw set o ffynonellau data lluosog.
Mae'r peiriannau metachwilio ar y rhyngrwyd yn cynnwys Ixquick.