Ixquick

Peiriant metachwilio yw Ixquick, sy'n gweithio trwy harnesu sawl peiriant chwilio arall ar y rhyngrwyd. Lleolir Ixquick yn Ninas Efrog Newydd, UDA a'r Iseldiroedd ac mae wedi cyflenwi 120 miliwn o chwiliadau gwe ers 2004. Sefydlwyd Ixquick gan David Bodnick yn 1998, yn Efrog Newydd. Ers 2000 mae'n perthyn i gwmni Iseldiraidd, sef Surfboard Holding BV.

Logo Ixquick

Mae Ixquick yn dangos yn nodi'r deg canlyniad uchaf a geir trwy sawl peiriant chwilio trwy roi seren i ddynodi faint o beiriannau chwilio sy'n rhoi canlyniadau a'u trefnu yn ôl nifer y sêr. Gellir chwilio gyda Ixquick mewn 17 o ieithoedd, gyda fersiwn o'r peiriant ei hun ar gyfer pob un ohonynt (does dim gwasanaeth Cymraeg eto).

Preifatrwydd

Mae'r peiriannau chwilio mawr fel Google i gyd yn cadw manylion personol heb wybod i'r defnyddiwr ac yn barod i'w trosglwyddo i gwmnïau neu hyd yn oed i lywodraethau. Mae Ixquick wedi chwarae rhan arloesol yn y symudiad i gael diogelu preifatrwydd defnyddwyr peiriannau chwilio ar y we (gweler hefyd Scroogle) ac erbyn heddiw mae'n un o'r peiriannau diogelach.

Ers 27 Mehefin 2006 dydy Ixquick ddim yn cadw manylion personol defnyddwyr. Ceiff cyfeiriadau IP a manylion eraill eu dileu o fewn 48 awr ar ôl chwilio. Yn ogystal dydy Ixquick ddim yn rhannu gwybodaeth bersonol o unrhyw fath gyda pheiriannu chwilio eraill na chwaith gyda noddwyr masnachol canlyniadau chwilio.

Enillodd Ixquick y Sêl Breifatrwydd Ewropeaidd Archifwyd 2017-09-10 yn y Peiriant Wayback gyntaf (gweler EuroPriSe) am ei ymarferion preifatrwydd ar 14 o Orffennaf, 2008.

Ers y 29fed o Ionawr 2009 dydy Ixquick ddim yn cofnodi cyfeiriadau IP defnyddwyr o gwbl.

Dolen allanol

• Ixquick Archifwyd 2009-07-07 yn y Peiriant Wayback (17 iaith)
• Polisi Preifatrwydd Ixquick Archifwyd 2009-07-14 yn y Peiriant Wayback