Percy Enderbie
Hanesydd Seisnig oedd Percy Enderbie (tua 1601 - tua 1670).[1] Fe'i cofir yn bennaf fel awdur y gyfrol Cambria triumphans.
| Percy Enderbie | |
|---|---|
| Ganwyd | 1601, c. 1606  |
| Bu farw | 1670 |
| Galwedigaeth | hanesydd, hynafiaethydd |
Bywgraffiad golygu
Ganed Enderbie yn Lloegr yn y flwyddyn 1601 (yn ôl pob tebyg). Daeth i gysylltiad â theulu'r Morganiaid o blwyf Llantarnam, Sir Fynwy. Priododd ag un o ferched y Morganiaid ac ymsefydlodd gyda hi yng Nghymru.[1]
Bu'n byw yng Nghymru am lawer o flynyddoedd a llwyddodd i ddysgu Cymraeg. Un o'i gymhellion am hynny oedd medru darllen llenyddiaeth Gymraeg ac am hanes Cymru. Daeth i edmygu'r genedl yn fawr oherwydd ei thras hynafol a'i gwrthsafiad hir yn yr Oesoedd Canol yn erbyn grym a gallu teyrnas Lloegr. Ffrwyth bennaf ei ddiddordeb yn hanes Cymru oedd ei gyfrol hanes Cambria triumphans (sef "Cymru Fuddugoliaethus"), a ysgrifennwyd yn Llantarnam ac sy'n ceisio dangos bod y Stuartiaid yn ddisgynyddion i frenhinoedd y Brythoniaid a'r Cymry.[1]
Bu farw o gwmpas 1670.
Llyfryddiaeth golygu
- Cambria triumphans (Llundain, 1661)
Cyfeiriadau golygu
- ↑ 1.0 1.1 1.2 Meic Stephens (gol.), Cydymaith i Lenyddiaeth Cymru (Gwasg Prifysgol Cymru).
Dolen allanol golygu
- (Saesneg) Cambria triumphans; disgrifiad o'r gyfrol ar wefan Prifysgol Michigan, UDA