Playa del Inglés

Mae Playa del Inglés (sef "Traeth y Sais" yn Sbaeneg) yn dref ar arfordir ddeheuol ynys Gran Canaria. Mae'n rhan o ranbarth San Bartolomé de Tirajana. Mae yno draeth hir o dywod euraidd a thwyni tywod a grëir gan dywod o anialdir y Sahara. Cysylltir Playa del Inglés gyda threfi arfordirol eraill gan gynnwys San Agustín a Maspalomas yng nghanolfan dwristaidd yr ynys. Yn 2002, poblogaeth Playa del Inglés oedd 17,158 ond gwelwyd twf yn y boblogaeth ers hynny. Ar hyd glan y mor, ceir amrywiaeth o westai, tai bwyta, tafarndai a villas.

Playa del Inglés

Math	anheddiad dynol, traeth
Daearyddiaeth
Sir	San Bartolomé de Tirajana
Gwlad	Sbaen
Cyfesurynnau	27.75°N 15.5806°W
Ffeiliau perthnasol ar Comin

Golygfa o westy yn Playa del Inglés

Templo Ecumenico

Cysylltir Playa del Inglés gyda'r hen briffordd sy'n cysylltu Puerto de Mogan a Las Palmas de Gran Canaria. Cyn dyddiau twristiaeth amaethyddiaeth oedd prif ddiwydiant yr ardal ac erbyn y dyddiau hyn busnes ac amaethyddiaeth yw'r ddau brif ddiwydiant ar yr ynys. Gellir gweld mynyddoedd i ogledd Playa del Inglés.

Yng nghanol Playa del Inglés ceir y Yumbo Centrum sy'n cynnwys amrywiaeth o fariau, tai bwyta a chlybiau hoyw.

Ardaloedd cyfagos

• Maspalomas
• San Agustín
• Sonnenland

Arall

• Mae gan Playa del Inglés ysgolion uwchradd a chynradd, campfeydd, eglwysi, banciau a phlazas.
• Mae Playa del Inglés yn ganolfan dwristaidd poblogaidd.

Dolenni allanol

• Canllaw gwyliau o'r DU ar gyfer Playa del Ingles Archifwyd 2013-01-03 yn y Peiriant Wayback