Prifysgol Friedrich Schiller Jena
Prifysgol gyhoeddus a leolir yn Jena yn nhalaith Thüringen, yr Almaen, yw Prifysgol Friedrich Schiller Jena (Almaeneg: Friedrich-Schiller-Universität Jena).
 | |
| Arwyddair | LIGHT, LIFE, LIBERTY – connecting visions  |
|---|---|
| Math | prifysgol gyhoeddus, comprehensive university, casgliad |
| Enwyd ar ôl | Friedrich Schiller |
| Sefydlwyd |
|
| Daearyddiaeth | |
| Lleoliad | Jena |
| Sir | Jena |
| Gwlad |  Yr Almaen |
| Cyfesurynnau | 50.9283°N 11.5822°E |
 | |
| Sefydlwydwyd gan | John Frederick II of Saxony |
Sefydlwyd academi yn Jena ym 1548, a chafodd ei ddyrchafu'n brifysgol ym 1558[1] dan yr enw Prifysgol Holl Sacsonaidd Ddugol (Herzoglich Sächsische Gesamtuniversität). Hon oedd prifysgol newydd Etholyddiaeth Sachsen, wedi i'r dalaith honno golli Prifysgol Wittenberg i Dŷ Witten yn sgil Rhyfel Schmalkalden. Fe'i gelwid ar lafar yn Brifysgol Jena neu Salana (am ei fod ar lannau Afon Saale). Daeth y brifysgol i'r amlwg yn rhyngwladol yn y 18g, pryd yr oedd athronwyr o fri, gan gynnwys G. W. F. Hegel, Johann Gottlieb Fichte, a Friedrich Schiller, yn addysgu yno. Enwyd y brifysgol ar ôl Schiller ym 1934.
Mae gan y brifysgol adrannau diwinyddiaeth, y gyfraith, meddygaeth, athroniaeth, economeg, mathemateg, cemeg, bioleg, ffiseg a seryddiaeth, seicoleg, addysg, addysg gorfforol, a thechnoleg; ac athrofeydd ieithoedd, astudiaethau clasurol ac hanes meddygaeth a gwyddorau natur, yn ogystal â gardd fotaneg a llysieufa.[2]
Mae'n aelod o Grŵp Coimbra ar gyfer prifysgolion Ewropeaidd.
Cyfeiriadau
golygu- ↑ Hermans, FirstName (2005). Charters of foundation and early documents of the universities of the Coimbra Group (yn Saesneg). Leuven: Gwasg Prifysgol Leuven. t. 58. ISBN 9789058674746.
- ↑ "Faculties". University of Jena (yn Saesneg). Cyrchwyd 30 Tachwedd 2021.