Priyanka Lalla

Mae Priyanka Lala yn ymgyrchydd hawliau plant o Trinidad a Tobago. Mae hi ar ei phen ei hun wedi trefnu sawl ymgyrch genedlaethol ynghylch materion fel cam-drin plant yn rhywiol a'r amgylchedd. Yn 2021 roedd yn mynychu Ysgol Port of Spain yn ei mamwlad ac yn 14 oed.

Priyanka Lalla
Priyanka Lalla yn 2020, yn 14 oed
Dinasyddiaeth	Trinidad a Tobago
Galwedigaeth	ymgyrchydd hinsawdd, disgybl ysgol

Dechreuodd weithredu pan oedd yn 10 oed "gan weithio ar brosiectau gyda'r nod o annog ac ysbrydoli pobl ifanc eraill i ddefnyddio eu creadigrwydd i wneud newidiadau ystyrlon yn y byd", dywedodd. Dyluniodd gynllun ar gyfer y 'Pecyn Cinio Dim Gwastraff' a chychwynnodd y 'Blog Byw: Dim Gwastraff'. Cyfarfu â Chomisiynydd yr Heddlu wi gwlad i'w wneud ef ac uwch swyddogion eraill yn ymwybodol o gyflwr plant sy'n cael eu cam-drin yn ei gwlad a dilynodd hynny drwy ddylunio cynnwys addysgu swyddogion heddlu ar y mater hwn.

Yn 2018, roedd hi ymhlith y grŵp cyntaf o bobl ifanc yn eu harddegau yn Trinidad a Tobago i ddod yn Llysgennad Cenedlaethol dros Hawliau Plant, rhaglen a gychwynnwyd gan Swyddfa'r Prif Weinidog a gyda chefnogaeth gan UNICEF, i dynnu sylw at hawliau plant yn y wlad.

Yn Chwefror 2021, yn 14 oed, dywedodd:

“

Yn 10 oed, felly hyd yn oed cyn corwyntoedd enbyd 2017, roeddwn yn gofyn i'm ffrindiau roi'r gorau i ddefnyddio plastig gan fy mod yn poeni am yr anifeiliaid yn y cefnfor ond dechreuodd fy nhaith ar addasu i newid hinsawdd gyda Chorwynt Irma. Hyd heddiw, mae'n gyrru popeth rwy'n ei wneud gan fy mod yn meddwl yn barhaus am yr hyn y gallaf ei wneud i newid fy ffordd o fyw.

”