Prospect Cottage
Bwthyn ar yr arfordir yn Dungeness, Caint, De-ddwyrain Lloegr, yw Prospect Cottage. Roedd yn gwt pysgotwr Fictoraidd yn wreiddiol. Prynwyd y tŷ gan yr artist a chyfarwyddwr Derek Jarman ym 1986, a bu'n gartref iddo hyd ei farwolaeth ym 1994. Mae waliau pren y bwthyn wedi'u paentio â thar du, ac mae un wal wedi'i haddurno â llinellau o'r gerdd "The Sun Rising" gan John Donne. Creodd Jarman ardd yn y traeth graeanog o amgylch y bwthyn, cymysgedd o gerfluniau wedi ymgynnull o froc môr o'r traeth gerllaw, a phlanhigion gwydn a allai oroesi tywydd garw'r safle.
 | |
| Math | tŷ  |
|---|---|
| Ardal weinyddol | Lydd |
| Daearyddiaeth | |
| Sir | Caint (Sir seremonïol) |
| Gwlad |  Lloegr |
| Cyfesurynnau | 50.9225°N 0.9761°E |
| Cod OS | TR092178 |
 | |
| Perchnogaeth | Derek Jarman |
Ar ôl marwolaeth Jarman, gadawyd y bwthyn i'w bartner Keith Collins. Rhoddwyd y tŷ ar werth yn 2018 ar ôl marwolaeth Collins. Mae'n dal i gynnwys gwaith celf gan ffrindiau ac edmygwyr Jarman, gan gynnwys Maggi Hambling, John Maybury, Gus Van Sant a Richard Hamilton. Gyda'r posibilrwydd y byddai'r tŷ'n cael ei werthu'n breifat, lansiodd yr Art Fund ymgyrch ym mis Ionawr 2020 i godi arian i warchod a chynnal yr adeilad, ei gynnwys a'i ardd ar gyfer y dyfodol.[1]
.jpg)
Cyfeiriadau
golygu- ↑ Harris, Gareth (22 Ionawr 2020). "Artists rally to save Prospect Cottage, the house of late filmmaker Derek Jarman".
Dolenni allanol
golygu- (Saesneg) Ymgyrch am arian gan yr Art Fund