Agor y brif ddewislen

Marcus Clodius Pupienus Maximus (c.164238) oedd ymerawdwr Rhufain am gyfnod byr yn 238.

Pupienus
Pupienus Musei Capitolini MC477.jpg
Ganwyd 2G Edit this on Wikidata
Bu farw 29 Gorffennaf 0238 Edit this on Wikidata (136 oed)
Rhufain, Flavian Palace Edit this on Wikidata
Dinasyddiaeth Rhufain hynafol Edit this on Wikidata
Galwedigaeth gwleidydd Edit this on Wikidata
Swydd ymerawdwr Rhufain, Ancient Roman senator, Praefectus urbi Edit this on Wikidata
Tad Marcus Pupienus Maximus Edit this on Wikidata
Plant Tiberius Clodius Pupienus Pulcher Maximus, Marcus Pupienus Africanus Edit this on Wikidata

Yn ôl rhai haneswyr yr oedd Pupienus yn aelod o deulu'r Claudiaid. Dechreuodd ei yrfa dan yr ymerawdwr Septimius Severus a bu'n rhaglaw un o daleithiau Germania ac yn Asia Leiaf. Bu'n gonswl yn 217 a 234 ac yn gyfrifol am weinyddu dinas Rhufain o 230 ymlaen. Pan wrthryfelodd y ddau Gordian yn erbyn Maximinus Thrax yr oedd yn aelod o'r cyngor oedd yn gyfrifol am amddiffyn Italia. Wedi marwolaeth Gordian I a Gordian II enwodd y Senedd ef yn ymerawdwr ar y cyd a Balbinus.

Nid oedd gan y ddau ymerawdwr lawer o ymddiried yn ei gilydd, ac nid oedd yr un o'r ddau yn boblogaidd ymysg y dinasyddion. Cymerodd Pupienus y cyfrifoldeb am wrthwynebu llengoedd Maximinus tra gofalai Balbinus am weinyddu'r wladwriaeth. Cyn i Pupienus orffen ei baratoadau, clywodd fod Maximinus wedi ei ladd gan ei filwyr ei hun. Dychwelodd Pupienus i Rufain fel concwerwr, gan waethygu'r berthynas rhyngddo ef a'i gyd-ymerawdwr ymhellach.

Ers ei gyfnod yn raglaw yn Germania, yr oedd Pupienus yn cadw gwarchodlu o Germaniaid o'i gwmpas. Cymerodd Gard y Praetoriwm hyn fel sarhad, a rhuthrasant i mewn i'r palas a lladd y ddau ymerawdwr. Cyhoeddwyd Gordian III, ŵyr Gordian I, yn ymerawdwr.

O'i flaen :
Gordian I a Gordian II
Ymerodron Rhufain
Pupienus
gyda Balbinus
Olynydd :
Gordian III