Richard FitzAlan, 11eg Iarll Arundel
Uchelwr a milwr Seisnig oedd Richard FitzAlan, 11fed Iarll Arundel a 10fed Iarll Surrey (1346 – 21 Medi 1397). Bu Owain Glyn Dŵr yn rhan o'i osgordd am gyfnod.
| Richard FitzAlan, 11eg Iarll Arundel | |
|---|---|
 | |
| Ganwyd | 1346  |
| Bu farw | 21 Medi 1397 Llundain |
| Dinasyddiaeth | Teyrnas Lloegr |
| Galwedigaeth | swyddog milwrol |
| Swydd | Aelod o Dŷ'r Arglwyddi |
| Tad | Richard FitzAlan |
| Mam | Eleanor Lancaster |
| Priod | Elizabeth de Bohun, Philippa de Mortimer |
| Plant | Thomas Fitzalan, Elizabeth Fitzalan, Joan de Beauchamp, Lady Margaret FitzAlan, Alice Fitzalan, John FitzAlan, Eleanor FitzAlan |
| Gwobr/au | Urdd y Gardas |
Roedd yn fab i Richard FitzAlan, 10fed Iarll Arundel ac Eleanor o Lancaster. Olynodd ei dad fel Iarll yn 1376. Roedd ei frawd, Thomas Arundel, yn Archesgob Efrog o 1388 to 1397, yna'n Archesgob Caergaint.
Bu'n ymladd yn erbyn Ffrainc yn y Rhyfel Can Mlynedd; yn 1377 roedd yn llynghesydd y gorllewin a'r de. Ymosododd ar Harfleur yn 1378, ond yn aflwyddiannus; yn ddiweddarach, methodd ei ymgais ef a John o Gaunt i gipio Saint-Malo. Penodwyd ef yn llynghesydd Lloegr yn 1386, ac yn mis Mawrth 1387 gorchfygodd lynges o Ffrainc, Sbaen a Fflandrys mewn brwydr gerllaw Margate, brwydr yr ymladdodd Glyn Dŵr ynddi.
Roedd mewn cynghrair a Thomas o Woodstock, Dug Caerloyw, oedd yn gwrthwynebu dymuniad Rhisiart II, brenin Lloegr i roi dowedd ar y Rhyfel Can Mlynedd. Yn 1397, cymerwyd ef i'r ddalfa ar gyhuddiad o gynllwynio gyda Dug Caerloyw i garcharu'r brenin, a dienyddiwyd ef yn Llundain.