Richard Vaughan (esgob)

Clerigwr o Gymru a fu'n Esgob Bangor ac yn ddiweddarach yn Esgob Caer ac Esgob Llundain oedd Richard Vaughan (c.1550 – 30 Mawrth 1607).

Richard Vaughan
Ganwyd	c. 1550  Penrhyn Llŷn
Bu farw	30 Mawrth 1607  Llundain
Dinasyddiaeth	Cymru
Alma mater	Coleg Sant Ioan, Caergrawnt
Galwedigaeth	offeiriad
Swydd	Esgob Llundain, esgob
Tad	Thomas ap Robert Vaughan
Mam	Catrin ferch Gruffudd John Gruffudd
Plant	Dorothy Vaughan, Elizabeth Vaughan, Joanna Vaughan

Bywgraffiad

Ganed ef yn Nyffryn, Llŷn, yn fab i Thomas ap Robert Fychan. Addysgwyd ef yng Ngholeg Sant Ioan, Caergrawnt, lle graddiodd yn B.A. yn 1574, M.A. yn 1577, a D.D. yn 1589. Daeth yn gaplan i John Aylmer, Esgob Llundain, yna'n rheithor Chipping Ongar o 1578 hyd 1580, Little Canfield yn 1580, Great Dunmow a Moreton yn 1592, a Stanford Rivers yn 1594.

Daeth yn Esgob Bangor yn 1595, yna trosglwyddyd ef i fod yn Esgob Caer yn 1597, ac yna yn Esgob Llundain o 1604 hyd 1607.

Pan oedd yn esgob Caer gwnaeth safiad yn erbyn "gwrthodwyr" Pabyddol; safodd hefyd yn erbyn rhai Piwritaniaid eithafol pan oedd yn esgob Llundain, gan eu tawelu.