Sid Bevan

Roedd Thomas Sidney "Sid" Bevan (2 Mai 1877 – 17 Hydref 1933) yn chwaraewr rygbi'r undeb o Gymru a fu'n cynrychioli Cymru a'r Llewod Prydeinig. Chwaraeodd Bevan rygbi clwb i Abertawe, gan ymuno â'r clwb ym 1897.

Sid Bevan
Ganwyd	2 Mai 1877  Cymru
Bu farw	17 Hydref 1933  Abertawe
Dinasyddiaeth	Cymru
Galwedigaeth	chwaraewr rygbi'r undeb
Chwaraeon
Tîm/au	Tîm rygbi'r undeb cenedlaethol Cymru, Clwb Rygbi Abertawe, Y Llewod Prydeinig a Gwyddelig
Gwlad chwaraeon	Cymru

Cefndir

Roedd yn fab i Martin L. Bevan, fferyllydd a phostfeistr Treforys. Cafodd ei addysgu yng Ngholeg Ardwyn, Aberystwyth (lle fu'n chware i dîm pêl-droed y coleg). Bu'n gweithio fel clerc yn Swyddfeydd Gwaith Dur a Thunplat y Dyffryn.

Gyrfa rygbi

Daeth Bevan i nod fel chwaraewr rygbi wrth gynrychioli'r tîm lleol Clwb Rygbi Treforys. Ym 1897 symudodd i ochr dosbarth cyntaf, Abertawe, ac wrth chwarae i Abertawe cafodd ei ddewis i chwarae dros Gymru. Ei gap cyntaf, a'i unig gap, oedd ar 2 Mawrth 1904 ar Faes Sioe Balmoral yn Belfast yn erbyn Iwerddon . Yn yr un flwyddyn, dewiswyd Bevan i gynrychioli Llewod Prydeinig Bedell Sivright ar eu taith o Awstralia a Seland Newydd. Chwaraeodd mewn pedwar o'r gemau prawf.

Yn ystod y Rhyfel Byd Cyntaf, roedd Bevan yn ddirprwy is-gapten yn 6ed Bataliwn y Gatrawd Gymreig.

Gemau rhyngwladol

Cymru

• Iwerddon 1904

Y Llewod

• Awstralia 1904, 1904, 1904
• Seland Newydd 1904

Llyfryddiaeth

• Parry-Jones, David (1999). Prince Gwyn, Gwyn Nicholls and the First Golden Era of Welsh Rugby. Penybont: Seren. ISBN 1-85411-262-7.
• Smith, David; Williams, Gareth (1980). Fields of Praise: The Official History of The Welsh Rugby Union. Caerdydd: Gwasg Brifysgol Cymru. ISBN 0-7083-0766-3.