Soldier Blue
Mae Soldier Blue yn ffilm Western Americanaidd a gynhyrchwyd yn 1970, wedi ei chyfarwyddo gan Ralph Nelson, sy'n adrodd hanes ffuglennol digwyddiadau yn 1864 seiliedig ar hanes gwir Cyflafan Sand Creek yn Nhiriogaeth Colorado, UDA.
 poster ffilm wreiddiol | |
|---|---|
| Cyfarwyddwr | Ralph Nelson |
| Cynhyrchydd | Gabriel Katzka Harold Loeb |
| Ysgrifennwr | Theodore V. Olsen |
| Serennu | Candice Bergen Peter Strauss Donald Pleasence |
| Cerddoriaeth | Roy Budd |
| Sinematograffeg | Robert B. Hauser |
| Dylunio | |
| Dosbarthydd | AVCO Embassy |
| Dyddiad rhyddhau | 12 Awst, 1970 |
| Amser rhedeg | 112 munud |
| Gwlad | Unol Daleithiau |
| Iaith | Saesneg |
| (Saesneg) Proffil IMDb | |
Sgriptiwyd y ffilm gan John Gay yn seiliedig ar y nofel Arrow in the Sun gan Theodore V. Olsen, ac mae'n serennu Candice Bergen, Peter Strauss, a Donald Pleasence. Perfformiwyd y gân deitl gan Buffy Sainte-Marie.
Cynllun golygu
Wedi ei rhyddhau ar anterth Rhyfel Fietnam yn erbyn cefndir y achos tribiwnlys milwrol yn deillio o Gyflafan My Lai, cyflwynodd y ffilm yr adroddiad sinematig cyntaf o un o'r digwyddiadau mwyaf drwgenwog yn hanes rhyfeloedd yr Unol Daleithiau ar bobloedd brodorol Gogledd America, pan gyflawnodd milwyr yn perthyn i filisia talaith Colorado dan arweiniad y Colonel John M. Chivington gyflafan yn erbyn pentref diamddiffyn o bobl Cheyenne ac Arapaho ar wastadeddau dwyreiniol Colorado. Lladdwyd rhai cannoedd o Indiaid, y rhan fwyaf ohonynt yn ferched, plant a henoed.
Mae hanes y gyflafan yn cael ei osod ar gefndir ffuglennol am hanes goroeswyr ymosodiad gan Indiaid ar uned o filwyr Marchoglu'r Unol Daleithiau.
Ffilm ddadleuol golygu
Roedd y ffilm yn ddadleuol ar y pryd nid yn unig oherwydd ei phwnc fel revisionist Western, ond am ei phortread graffig iawn o drais. Aeth y cyfarwyddwr Nelson, sy'n ymddangos yn y ffilm ei hun, i lefelau newydd amlwg yn ei bortread o drais, gan ddangos golygfeydd o drais rywiol realistig ynghyd â golygfeydd brwydr sy'n dangos bwledi'n taro cyrff a merched a phlant yn cael eu cigyddu'n ddidrugaredd gan filwyr.
Credydau golygu
- Cynhyrchydd - Harold Loeb a Gabriel Katzka
- Cynhyrchydd Gweithredol - Joseph E. Levine
- Cyfarwyddwr - Ralph Nelson
- Gwaith sgrîn - John Gay
- Cerddoriaeth - Roy Budd
Cast golygu
[[Delwedd:Pstrauss.png|bawd|Peter Strauss [[Delwedd:Jrivero.png|bawd|Jorge Rivero
- Kathy Maribel Lee - Candice Bergen
- Honus Gent - Peter Strauss
- Isaac Q. Cumber - Donald Pleasence
- Colonel Iverson - John Anderson
- Spotted Wolf - Jorge Rivero
- Captain Battles - Dana Elcar
- Lieutenant McNair - Bob Carraway
- Lieutenant Spingarn - Martin West
- Private Menzies - James Hampton
- Sergeant O'Hearn - Mort Mills
- Running Fox - Jorge Russek
- Indian Woman - Aurora Clavell
- Agent Long - Ralph Nelson