Stadiwm SWALEC
maes criced, Caerdydd
Stadiwm criced yng Ngerddi Soffia, Caerdydd yw Stadiwm SWALEC. Y stadiwm yma yw prif gartref Clwb Criced Morgannwg.
 | |
| Math | lleoliad chwaraeon, maes criced  |
|---|---|
| Agoriad swyddogol | 1967 |
| Daearyddiaeth | |
| Lleoliad | Caerdydd |
| Gwlad |  Cymru |
| Cyfesurynnau | 51.4872°N 3.1914°W |
 | |
Enw gwreiddiol y stadiwm oedd Gerddi Soffia, wedi ei enwi ar ôl y Fonesig Sophia Rawdon-Hastings, merch Francis Rawdon-Hastings, Marcwis 1af Hastings, a gwraig John Crichton-Stuart, Ail Farcwis Bute.
Mae Morgannwg wedi bod yn chwarae criced yma ers 1967, ar ôl symud o Barc yr Arfau. Ym 1995 cymerodd Morgannwg lês o 125 mlynedd arno. Yn 2007 dechreuwyd gwaith ar gynllun i ehangu'r stadiwm i'w wneud yn addas ar gyfer gemau criced rhyngwladol. Cynhaliwyd gêm un diwrnod rhwng Lloegr a De Affrica yma ar 3 Medi 2008, a chynhaliwyd Gêm Brawf rhwng Lloegr ac Awstralia yma ar 8-12 Gorffennaf 2009.