Sulien

Gweler hefyd Sulien (sant) (a adnabyddir hefyd fel Silian).

Roedd Sulien (c. 1010 - 1091) yn ysgolhaig Cymreig ac yn Esgob Tyddewi.

Sulien
Ganwyd	1011, 1012  Llanbadarn Fawr
Bu farw	1091
Dinasyddiaeth	Cymru
Galwedigaeth	offeiriad, Esgob Tyddewi, person dysgedig
Cysylltir gyda	Llanbadarn Fawr
Plant	Rhygyfarch ap Sulien

Bywgraffiad

Roedd Sulien, sy'n gysylltiedig yn bennaf a chlas Llanbadarn Fawr, yn enwog am ei ysgolheictod. Bu ganddo bedwar mab, sef Rhygyfarch, Daniel, Ieuan ac Arthan, a pharhawyd traddodiad Llanbadarn o ysgolheictod ganddynt hwy a chan ei meibion hwythau.

Mae'r wybodaeth am Sulien yn dod o gerdd Ladin a ysgrifennodd ei fab Ieuan iddo. Dywed fod Sulien o dras bonheddig, a'i fod wedi treulio tair blynedd ar ddeg yn astudio yn Iwerddon. Bu'n Esgob Tyddewi ddwywaith, o 1073 hyd 1078 ac yna o 1080 hyd 1085. Mae'n ymddangos fod y pentref Tresillian yng Nghernyw wedi'i enwi ar ei ôl, neu ar ôl y sant o'r un enw.