Tŷ Gwydr (band)
Band o Gymru yn chwarae cerddoriaeth ddawns oedd Tŷ Gwydr.
| Enghraifft o'r canlynol | band  |
|---|
Gareth Potter a Mark Lugg oedd cnewyllyn y grwp, roedd y ddau'n ffrindiau ers eu plentyndod ac fel disgyblion yn Ysgol Gyfun Rhydfelen.
Wedi chwarae mewn nifer o grwpiau ar hyd y blynyddoedd, gan gynnwys Clustiau Cŵn (pan oedd Gareth ond yn ei arddegau), Traddodiad Ofnus a Pop Negatif Wastad, ffurfiodd y ddau Tŷ Gwydr adeg Eisteddfod Genedlaethol 1990 yng Nghwm Rhymni, sef milltir sgwâr y ddau ohonynt.
Gyda rhyddhau'r sengl 12" "Yr Unig Ateb" ar label Ankst y flwyddyn honno, sefydlodd y grwp steil weledol gref dan ddylanwad yr arlunydd Lugg a gan ddefnyddio ymadrodd y zeitgeist, "REU!" (ar fenthyg gan eu ffrindiau o'r Gogledd) llusgwyd cerddoriaeth ddawns Gymraeg o'r sîn glybio danddaearol i gynulleidfaoedd y Cymry Cymraeg.
Byr-hoedlog oedd y grwp, ond gydag un caset, Effeithiol a chwpl o senglau 12" eraill yn ystod y cyfnod 1990-1992, llwyddodd Lugg a Potter danio sîn sydd yn dal i fodoli hyd heddiw.
Daeth y grwp i ben yn swyddogol ym 1994.
Disgyddiaeth
golygu- Effeithiol (Ankst) (1991)
- Reu (Mics) (Ankst) (1992)
- Tŷ Gwydr '93 (dim label) (1993)