Veep
Mae Veep yn gyfres gomedi-wleidyddol, Americanaidd, sy'n serennu Julia Louis-Dreyfus a ymddangosodd gyntaf ar HBO ar 22 Ebrill 2012. Crewyd y gyfres gan Armando Iannucci fel addasiad o'r comedi sefyllfa Brydeinig The Thick of It.[2]
 | |
| Enghraifft o'r canlynol | cyfres deledu  |
|---|---|
| Crëwr | Armando Iannucci |
| Gwlad | Unol Daleithiau America |
| Dechreuwyd | 22 Ebrill 2012 |
| Daeth i ben | 12 Mai 2019 |
| Genre | dychan gwleidyddol, cyfres deledu comig |
| Prif bwnc | gwleidyddiaeth |
| Yn cynnwys | Veep, season 1, Veep, season 2, Veep, season 3, Veep, season 4, Veep, season 5, Veep, season 6, Veep, season 7 |
| Lleoliad y gwaith | Washington |
| Cwmni cynhyrchu | HBO |
| Cyfansoddwr | Rupert Gregson-Williams |
| Dosbarthydd | Warner Bros. Television Studios, Hulu, HBO Max |
| Iaith wreiddiol | Saesneg [1] |
| Gwefan | http://www.hbo.com/veep |
 Ffeiliau perthnasol ar Gomin Wicimedia | |
Lleolir y gyfres yn swyddfa Selina Meyer, Is-Arlywydd yr Unol Daleithiau ffuglennol, a ddaw yn ddiweddarach yn Arlywydd. Mae'r gyfres yn dilyn Meyer a'i thîm yn ei hymdrech i wneud ei marc ar wleidyddiaeth (ddychmygol) UDA, heb gael ei baglu gan gyd-wleidyddion cyfrwys a dichellgar.[3]
Derbyniodd Veep ganmoliaeth gan y beirniaid ffilm, ac enillodd sawl gwobr o bwys. Fe'i henwebwyd chwe blynedd o'r bron am Wobr Emmy Primetime am y 'Gyfres Eithriadol o Dda' ac enillodd bedair gwaith (hyd at 2017). Mae hefyd wedi ennill nifer o wobrau Writers Guild of America Award for Television, ac enillodd perfformiad Louis-Dreyfus fel Selina Meyer bum Gwobr Primetime Emmy am yr actores eithriadol o dda a dwy wobr Screen Actors Guild Awards, dwy Wobr Critics' Choice Television Awards, a Gwobr y TCA - Television Critics Association Award, a 5 enwebiad am Wobr y Golden Globe. Enwebwyd Tony Hale 5 gwaith yn olynol am Wobr Emmy (yn chwarae Gary Walsh) gan ennill yn 2013 a 2015.
Cychwynnodd y 6ed gyfres ar 16 Ebrill 2017,[4] a chafwyd addewid o 7fed gyfres yn 2018.[5]
Cyfeiriadau
golygu- ↑ https://www.fernsehserien.de/veep-die-vizepraesidentin. dyddiad cyrchiad: 7 Mehefin 2020. dynodwr fernsehserien.de: veep-die-vizepraesidentin.
- ↑ Andreeva, Nellie (January 13, 2012). "UPDATE: Premiere Dates For HBO's 'Girls,' 'Game Of Thrones', 'Veep' & 'Game Change'". Deadline.com. Cyrchwyd 24 Ebrill 2012.
- ↑ "About Veep". HBO. Cyrchwyd 5 Mai 2016.
- ↑ Roots, Kimberly (7 Ebrill 2017). "Veep to Return to HBO in April". TVLine. Archifwyd o'r gwreiddiol ar 2017-08-08. Cyrchwyd 7 Ebrill 2017.
- ↑ Petski, Denise (25 Mai 2017). "'Veep' & 'Silicon Valley' Renewed By HBO". Deadline. Cyrchwyd 25 Mai 2017.