Wicipedia:Wici Addysg/Coleg Cymraeg Cenedlaethol/Adroddiad misol 2

Hafan

Trafod

Digwyddiadau ac Adroddiadau

Wici Addysg

Wici GLAM

Wici Cymru

Adroddiad misol 2 Cyfweliad yn Golwg Sefydliad Enw'r Wicipedydd Cyfnod Dyddiad yr adroddiad Coleg Cymraeg Cenedlaethol Marc Haynes 15 Ebrill – 12 Mai 2014 (Ail fis) 12 Mai 2014 Rhyddhau cynnwys Cyflwynwyd adroddiad ar osod trwydded CC BY–SA ar adnoddau ar Y Porth sydd wedi’u hadnabod fel rhai addas i’w hail-drwyddedu a’u trosglwyddo i brosiectau Wikimedia i gyfarfod Bwrdd Academaidd y Coleg ar 7 Mai, ac fe’i dderbyniwyd. Ar ôl cyfnod pellach o adborth rwyf yn awr yn medru cysylltu â rheolwyr unigol y prosiectau a fu’n gyfrifol am greu’r cynnwys. Anelaf i wneud y trosglwyddo/uwchlwythiadau cyntaf ar ddechrau mis Mehefin. Trefnu digwyddiadau Bwriedir trefnu’r digwyddiad cyntaf yng Nghaerfyrddin (Prifysgol Cymru Y Drindod Dewi Sant) neu yn Llyfrgell a Chanolfan Gwybodaeth Prifysgol Abertawe yn gynnar ym mis Mehefin. Bydd hyn yn gyfle i arbrofi gyda natur y sesiwn ac yn sail ar gyfer darparu sesiynau tebyg yn y prifysgolion hynny lle mae’r nifer fwyaf o fyfyrwyr ac academyddion cyfrwng Cymraeg, sef Aberystwyth, Bangor ac, i raddau llai, Caerdydd. Bydd y digwyddiadau hyn yn cael eu hysbysebu ar y Wicipedia Cymraeg (ar y dudalen flaen, ar restrau gwylio os yn bosibl ac ar dudalen y prosiect), ar flog Cymraeg Wikimedia UK a gan swyddogion cangen y Coleg yn y prifysgolion dan sylw. Byddent yn ymddangos ar restr digwyddiadau Saesneg WMUK ond ni fyddent yn cael eu hysbysebu ar y Wicipedia Saesneg. Dyma fy syniadau presennol ar gyfer digwyddiadau, yn eu trefn cronolegol tebygol: Caerfyrddin: Golygathon cyntaf yn yr adeilad Dysgu newydd ym Mhrifysgol Cymru Y Drindod Dewi Sant. Pwyslais ar hyfforddi sgiliau wici i ddefnyddwyr newydd. Abertawe: Golygathon yn Llyfrgell a Chanolfan Gwybodaeth y Brifysgol. Thema: efallai daearyddiaeth, er mwyn adeiladu ar gynnwys a’i ychwanegwyd o’r Esboniadur Daearyddol. Aberystwyth: Golygathon ar ffilm a theledu Cymraeg yn Llyfrgell Hugh Owen (prif lyfrgell y brifysgol, yn agos hefyd at y myfyrwyr Cymraeg yn Neuadd Pantycelyn). Thema: Ffilm a theledu Cymraeg, gyda phwyslais ar ehangu’r erthyglau a’u crëwyd gyda chynnwys o Yn y Ffrâm. Caerdydd: Golygathon, a gaiff ei gynnal o bosib yn swyddfa’r Coleg yn Nhŷ Phoenix. Thema: i’w penderfynu. Bangor: Golygathon, o bosib ym Mhrif Lyfrgell y brifysgol. Thema: i’w penderfynu. Sylw yn y wasg ac ar-lein Nodyn yn y Wikipedia Signpost (30 Ebrill 2014). 20:1, Golwg. Cyfrol 26, rhif 33, tud. 16. (1 Mai 2014) (gweler y llun)