William John Davies (Gwilym Peris)
Nofelydd a dramodydd o Gymro oedd William John Davies (1888 - 1957), a gyhoeddai gan amlaf wrth yr enw Gwilym Peris (ac weithiau fel W. J. Davies yn achos ei ddramâu).
| William John Davies | |
|---|---|
| Ffugenw | Gwilym Peris  |
| Ganwyd | 1888 Nantperis |
| Bu farw | 1957 |
| Dinasyddiaeth |  Cymru |
| Galwedigaeth | nofelydd, dramodydd |
Ei fywyd a'i waith golygu
Roedd yn frodor o Nantperis yn Arfon ond treuliodd ran helaeth ei oes yn byw yn nhref Caernarfon lle gweithiodd fel gard ar y rheilffordd. Roedd yn sosialydd brwd. Gwasanaethodd am gyfnod ar Gyngor Tref Caernarfon.
Fel llenor, roedd yn adnabyddus iawn yn lleol. Un o'r dylanwadau mawr arno oedd Anthropos (R. D. Rowlands), llenor poblogaidd a wasanaethai fel gweinidog Capel Hen Waliau, Caernarfon, lle bu Gwilym Peris yn aelod. Cyhoeddodd sawl nofel ar ei draul ei hun, i gyd wedi'u lleoli yn ardal Eryri. Nofelau byr rhamantaidd ydyn nhw, yn ôl chwaeth y cyfnod, ond maent yn cynnwys disgrifiadau cofiadwy o ardal Llanberis a bywyd y werin bobl gynt. Ysgrifennodd nifer o ddramâu hefyd a bu'n weithgar iawn ym myd y ddrama yn ardal Arfon, gan gynnal dosbarthiadau a darlithio. Cyfrannai erthyglau yn rheolaidd i'r papur sosialaidd Y Dinesydd Cymreig hefyd.
Llyfryddiaeth golygu
Dramâu (detholiad) golygu
- Bwlch-y-groes
- Y Llestr Gwannaf
- Y Merthyr
- Tewach Gwaed na Dŵr
- Y Tramp
Nofelau golygu
- Rhamant Eryri (Hughes a'i Fab, 1923)
- Tonnau'r Nos (Caernarfon, d.d.)
- Tros Arw Bant a Bryn (Caernarfon, d.d.)
- Y Llwybr Unig (Caernarfon, d.d.)
Ffynhonnell golygu
Dafydd Glyn Jones, 'Pwy oedd yr 'Hen Dramodwyr'?', Y Casglwr (Rhifyn 94, Gaeaf 2008).