William Jones (Bleddyn)

Hanesydd o Beddgelert, Gwynedd, oedd William Jones (1829 – 30 Ionawr 1903). Ei rhieni oedd Catrin Jones a John Jones.

William Jones
Ganwyd	1829  Beddgelert
Bu farw	30 Ionawr 1903  Llangollen
Dinasyddiaeth	Cymru
Galwedigaeth	hynafiaethydd, hanesydd, darlithydd

Am bobl eraill o'r un enw, gweler William Jones.

Cefndir

Prentisiwyd ef i deilwra yng Nghaernarfon ym 1841, ond ar wahan i gyfnod byr ym Mhorthmadog treuliodd ei fywyd mewn busnes yn Llangollen, a bu farw yna ar 30 Ionawr 1903. Rhannodd y wobr gydag Owen Wynne Jones (Glasynys) am draethawd ar hynafiaethau plwyf Beddgelert mewn eisteddfod yno ym 1860, a dyma'r traethawd hwn a deunyddiau eraill a gasglwyd ganddo a oedd yn sail i Bedd Gelert, 1899, gan DE Jenkins. Cyhoeddwyd ei draethawd ar ddaeareg Sir Gaernarfon, yn Eisteddfod Genedlaethol Cymru Caernarfon 1862, a enillodd lawer o ganmoliaeth, yn Y Brython, 1862, 75-93, ac ailargraffwyd dan deitl Llawlyfr ar Ddaeareg Sir Gaernarfon, 1863.

Ffynonellau

• Y Geninen, 1910
• Y Cymmrodor, v et seq.
• D. E. Jenkins, Bedd Gelert, its facts, fairies, and folk-lore (Porthmadog 1899) (preface);
• The Llangollen Advertiser, 6 Chwefror 1903
• Cofrestr plwyf Llangollen