Ysbyty'r Tri Chwm
Cyfleuster iechyd meddwl yng Nglynebwy, Blaenau Gwent, yw Ysbyty'r tri Chwm ( Saesneg: Three Valleys Hospital). Agorwyd y safle yn 1996. Fe'i rheolir gan Fwrdd Iechyd Prifysgol Aneurin Bevan .
| Math | ysbyty  |
|---|---|
| Sefydlwyd |
|
| Daearyddiaeth | |
| Sir | Blaenau Gwent |
| Cyfesurynnau | 51.7919°N 3.2167°W |
| Gwleidyddiaeth | |
| Rheolir gan | Bwrdd Iechyd Prifysgol Aneurin Bevan |
 | |
Hanes
golyguCafodd yr ysbyty ei gomisiynu i ddisodli Ysbyty Pen-y-Fal yn Y Fenni a gaeodd ei ddrysau y flwyddyn ganlynol. Agorwyd Ysbyty'r Tri Chwm yn swyddogol gan Glenys Kinnock ym mis Gorffennaf 1996.[1][2]
Wrth gau Ysbyty Glyn Ebwy yn 2005, cyflwynwyd cynlluniau i adeiladu ysbyty newydd yng Nglyn Ebwy. Cafodd y safle o amgylch Ysbyty'r Tri Chwm ei ddewis yn wreiddiol ar gyfer yr adeilad newydd. Fodd bynnag, pleidleisiodd y cynghorwyr yn ddiweddarach dros adeiladu Ysbyty Aneurin Bevan ar safle hen waith dur. [3][4] Yn 2019, penderfynwyd symud 15 gwely o Ysbyty'r Tri Chwm i Ysbyty Nevill Hall yn y Fenni pan fydd Ysbyty Athrofaol y Grange yng Nghwmbrân yn agor yn 2021. [5]
Manylion
golyguLleolir yr ysbyty tua milltir o Lynebwy, ger Coleg Glyn Ebwy . Mae'r safle'n cynnwys dau ysbyty dydd ar wahân, Oak Park ac Elm Parc. Rhyngddynt mae gan y ddwy uned 36 o welyau mewn wardiau cymysg i gleifion dros 65 oed sy'n dioddef o broblemau iechyd meddwl. Mae tîm iechyd meddwl cymunedol hefyd wedi'i leoli yn yr ysbyty ac yn darparu asesiadau yn y gymuned. [6][7] Rheolir yr ysbyty gan Fwrdd Iechyd Prifysgol Aneurin Bevan . [6]
Anogir cleifion i ymwneud ag amrywiaeth eang o weithgareddau yn y ganolfan, gan gynnwys peintio, ymarfer corff, cerddoriaeth a garddio: mae gardd synhwyraidd ar y safle. [8] Mae'r ysbyty hefyd yn cynnwys ffreutur a chaffi, gardd gaeedig a champfa. [7] Gosodwyd gardd synhwyraidd hefyd yn 2005 yn dilyn gwaith gan ddisgyblion ysgolion lleol a gwirfoddolwyr. [9]
Cyfeiriadau
golygu- ↑ Davies-Tudgay, Alan (2011). Ebbw Vale Through Time. Amberley. ISBN 978-1445600369.
- ↑ "Pensioner calls for hospital bus service". Wales online. 28 Mehefin 2007. Cyrchwyd 12 Chwefror 2019.
- ↑ "Steel site 'no' for hospital". South Wales Argus. 17 Gorffennaf 2003. Cyrchwyd 15 Mawrth 2020.
- ↑ "New hospital may be open by 2009". South Wales Argus. 5 Awst 2005. Cyrchwyd 15 Mawrth 2020.
- ↑ Rutherford, Andy (23 Ebrill 2019). "The radical changes on the cards for Gwent hospitals in preparation for the opening of new Grange University Hospital in Cwmbran and how they will affect you". South Wales Argus. Cyrchwyd 15 Mawrth 2020.
- ↑ 6.0 6.1 "Ysbyty'r tri Chwm Hospital". Aneurin Bevan University Health Board. Cyrchwyd 14 Mawrth 2020.
- ↑ 7.0 7.1 "Mental Health Act Monitoring Inspection" (PDF). Health are Inspectorate Wales. 1 Mawrth 2018. Archifwyd o'r gwreiddiol (PDF) ar 2022-10-11. Cyrchwyd 14 Mawrth 2020.
- ↑ "Giving Back". BBC. 1 September 2005. Cyrchwyd 12 Chwefror 2019.
- ↑ "Physiotherapy doctorates". WalesOnline. Media Wales. 25 Gorffennaf 2005. Cyrchwyd 14 Mawrth 2020.