Aderyn ysglyfaethus

Aderyn sy'n bwydo ar gnawd anifeiliaid eraill yw aderyn ysglyfaethus (hefyd aderyn rheibus neu aderyn rheibiol). Mae gan adar ysglyfaethus big fachog, crafangau cryf a golwg ardderchog. Mae'r term yn cynnwys gweilch, eryrod, fwlturiaid, hebogiaid a'u perthnasau. Weithiau, ystyrir tylluanod yn adar ysglyfaethus hefyd er nad ydynt yn perthyn i'r lleill.

Data cyffredinol
Math	aderyn, predatory animal
Ffeiliau perthnasol ar Gomin Wicimedia

Eryr Moel (Haliaeetus leucocephalus)

Tylluan Wen (Tyto alba)

Dosbarthiad

Dosberthir y pum teulu o adar ysglyfaethus sy'n hela yn ystod y dydd mewn un urdd, Falconiformes, yn draddodiadol. Mae rhai tacsonomegwyr yn cydnabod un neu ddwy urdd ychwanegol, Cathartiformes ac Accipitriformes.

• Cathartidae: fwlturiaid y Byd Newydd
• Sagittariidae: Aderyn y Cwils
• Pandionidae: Gwalch y pysgod
• Accipitridae: gweilch, eryrod a fwlturiaid yr Hen Fyd
• Falconidae: hebogiaid a characaraod

Mae'r dau deulu o dylluanod yn perthyn i'r urdd Strigiformes.

• Tytonidae: tylluanod gwynion
• Strigidae: tylluanod eraill

Dolenni allanol

• (Saesneg) Global Raptor Information Network Archifwyd 2007-06-30 yn y Peiriant Wayback.

Eginyn erthygl sydd uchod am aderyn. Gallwch helpu Wicipedia drwy ychwanegu ato.