Afon Gafenni

Afon fer yn Sir Fynwy yw Afon Gavenni. Mae'n tarddu tua 1 milltir (1.6 km) i'r de-orllewin o bentref Llanfihangel Crucornau ac yn llifo i'r de am tua 4 milltir (6.4 km) i'w chydlifiad ag Afon Wysg tua phen dwyreiniol Dolydd y Castell yn y Fenni. Ychydig cyn iddi gwrdd ag Afon Wysg mae'r afon fechan Afon Cibi yn ymuno â hi.

Afon Gafenni

Math	afon
Daearyddiaeth
Sir	Sir Fynwy
Gwlad	Cymru
Cyfesurynnau	51.8353°N 3.0033°W
Aber	Afon Wysg
Ffeiliau perthnasol ar Comin

Ar ei hyd mae'r afon yn gul ac yn llifo'n gyflym. Gellir gweld bronwennod y dŵr yn aml yn y dŵr.

Y melinau

Roedd yr afon gynt yn cyflweni pŵer i sawl melin ŷd, a phob un ohonynt bellach wedi diflannu. Cofnodir o leiaf saith o'r rhain.

• Melin Triley yw'r uchaf, sydd wedi'i lleoli rhwng y rheilffordd i'r gorllewin a'r A465 i'r dwyrain (cyfeirnod OS SO310173).
• Melin Brooklands yn Llandeilo Bertholau (cyfeirnod OS SO310165)
• Melin Cwm ychydig i'r dwyrain o'r Maerdy lle mae Nant Mynachdy yn dod i mewn fel llednant ar y lan chwith (cyfeirnod OS SO309155).
• Melin Fach ar Ross Road, ar gyrion gogledd-ddwyreiniol y Fenni (cyfeirnod OS SO306146)
• Melin y Priordy, hefyd ar gyrion gogledd-ddwyreiniol y Fenni, yn union i'r de o Felin Fach (cyfeirnod OS SO303144)
• Hen felin ŷd ar Mill Street, y Fenni (cyfeirnod OS SO300138)
• Melin Philpotts oedd y felin olaf ar yr afon (cyfeirnod OS SO301137).

Oriel

• 
  Afon Gavenni ar gyrion gogledd-ddwyreiniol y Fenni
• 
  Afon Gavenni yn llifo drwy sianel yng nghanol y Fenni
• 
  Afon Gavenni yn ymuno ag Afon Wysg yn y dolydd i'r de o'r Fenni