Alfred Thompson

Alfred Thompson
Alfred Thompson
Ffugenw	Steward McGuzzler, Thompson E. Jones, ATn
Ganwyd	7 Hydref 1831 ; Llundain
Bu farw	31 Awst 1895 ; Dinas Efrog Newydd
Dinasyddiaeth	Teyrnas Unedig Prydain Fawr ac Iwerddon
Alma mater	Coleg y Drindod, Caergrawnt; Ysgol Rugby ;
Galwedigaeth	cartwnydd dychanol, libretydd, dylunydd gwisgoedd

Cartwnydd dychanol a libretydd o Loegr oedd Alfred Thompson (7 Hydref 1831 - 31 Awst 1895). Cafodd ei eni yn Llundain yn 1831 ac addysgwyd ef yng Ngholeg y Drindod, Ysgol Rugby. Bu farw yn Ninas Efrog Newydd.

Bywgraffiad

Ganwyd Thompson yn Llundain. Addysgwyd ef yn Rygbi a Brighton. Aeth i Goleg y Drindod, Caergrawnt, ym 1850 a graddiodd B.A. ym 1855. Gwasanaethodd fel swyddog marchoglu yn 6ed catrawd y dragŵn o 1855 hyd iddo werthu ei gomisiwn ym 1857. Dechreuodd fel cornet gan gael ei ddyrchafu'n gapten. Ym 1854 gwerthodd ei ddarluniad cyntaf i Diogenes ac ym 1856-1858 fe werthodd nifer o ddarluniadau i Punch.^[1]. Astudiodd gelf ym München gan cael gwersi preifat gan Karl von Piloty ac ym Mharis dan Thomas Couture. Ym 1867 ar gais Arthur a Beckett, ymunodd Thompson â staff llenyddol cylchgrawn The Tomahawk.^[2]

O fis Chwefror i fis Rhagfyr 1868, golygodd Thompson a Leopold Davis Lewis adolygiad misol The Mask,^[3] ond methiant bu'r fenter. Yn y 1860au, daeth Thompson yn llwyddiannus fel libretydd, dylunydd gosod a dylunydd gwisg ar gyfer y theatr gerdd yn Llundain. Dyluniodd dros bum mil o wisgoedd ar gyfer llwyfan Llundain.^[4] Yn ystod y 1870au ym Manceinion, roedd yn rheolwr gyfarwyddwr y Theatr Frenhinol a Theatr y Tywysog. Ym mis Mai 1883 fel newyddiadurwr, bu'n cynrychioli'r Daily News yng ngwasanaeth coroni'r Tsar Alexader III. Symudodd Thompson i Manhattan a daeth yn llwyddiannus fel libretydd ar gyfer sioeau gerdd Efrog Newydd yn debyg i'r rhai y bu'n gweithio arno yn Llundain a Manceinion.

Libretos

The Lion's Mouth. Llundain. 1867.

Columbus, or The Original Pitch in a Merry Key. Gaiety Theatre, Llundain. 1869.
Aladdin II, or an Old Lamp in a New Light. Llundain. 1870.
Cinderella, the Younger. Llundain. 1871.
Belladonna, or The Little Beauty and the Great Beast. Prince's Theatre, Manceinion. 1878.
Pepita, or the Girl with the Glass Eyes. Union Square Theatre, Efrog Newydd. 1886.
The Arabian Nights, or Aladdin's Wonderful Lamp. Efrog Newydd. 1887.
The Crystal Slipper, or Prince Prettywitz and Little Cinderella. Star Theatre, Efrog Newydd. 1888.

Mae yna enghreifftiau o waith Alfred Thompson yn gasgliad portreadau Llyfrgell Genedlaethol Cymru.

Oriel

Dyma ddetholiad o weithiau gan Alfred Thompson:

William Vernon Harcourt
John Villiers Stuart Townshend
Syr Robert Peel
Syr Frederick Pollock
Mansur Ali Khan o Bengal
Francis, Dug Teck
William Vernon Harcourt

Cyfeiriadau

↑ Spielmann, M. H. (1895). "Alfred Thompson". A history of "Punch". Cassell & Co. p. 500
↑ À Beckett, Arthur William (1903). The à Becketts of "Punch". tud. 158–159
↑ The Mask ("a humorous and fantastic review") – Hathitrust Digital Library adalwyd 6 Chwefror 2019
↑ Alfred Thompson". The Biograph and Review. New Series.—Part I. I: 414–417. January 1882.

(Saesneg) Art UK - Alfred Thompson

[1] Spielmann, M. H. (1895). "Alfred Thompson". A history of "Punch". Cassell & Co. p. 500

[2] À Beckett, Arthur William (1903). The à Becketts of "Punch". tud. 158–159

[3] The Mask ("a humorous and fantastic review") – Hathitrust Digital Library adalwyd 6 Chwefror 2019

[4] Alfred Thompson". The Biograph and Review. New Series.—Part I. I: 414–417. January 1882.

[1]

[2]

[3]

[4]