Amgueddfa Sir Gaerfyrddin

Mae Amgueddfa Sir Gaerfyrddin yn amgueddfa sirol sy'n cofnodi hanes Sir Gaerfyrddin

Amgueddfa Sir Gaerfyrddin

Math	amgueddfa ranbarthol, amgueddfa awdurdod lleol
Sefydlwyd	1972
Daearyddiaeth
Lleoliad	Llys yr Esgob
Sir	Sir Gaerfyrddin
Gwlad	Cymru
Uwch y môr	12.7 metr
Cyfesurynnau	51.865463°N 4.265764°W
Rheolir gan	Cyngor Sir Gaerfyrddin
Perchnogaeth	Cyngor Sir Gaerfyrddin
Ffeiliau perthnasol ar Comin

Lleoliad

Mae Amgueddfa Sir Gaerfyrddin wedi ei lleoli yn Abergwili, Caerfyrddin, SA31 2JG. Fe'i rheolir gan Gyngor Sir Gaerfyrddin.

Hanes

Mae'r amgueddfa wedi ei gartrefu mewn adeilad a ddechreuodd fywyd fel coleg i offeiriaid, a sefydlwyd yn y 1280au, a ddaeth wedyn yn balas Esgob Tyddewi rhwng 1542 a 1974. Yma cyfieithwyd y Testament Newydd a'r Llyfr Gweddi Gyffredin gyntaf i'r Gymraeg ym 1567 yn ystod esgobaeth yr Esgob Richard Davies.

Arddangosfeydd a chasgliadau

Mae'r amgueddfa'n adrodd hanes cyfoethog y sir trwy gasgliadau amrywiol o arteffactau, paentiadau a phortreadau. Yn ogystal, mae yma gasgliad nodedig o ddodrefn a gwisgoedd Cymreig, ystafell ysgol pentref o oes Fictoria, eitemau sy'n gysylltiedig â threftadaeth ffermio ac amaethyddol y sir ac arddangosfa am y ffrynt cartref yn ystod yr Ail Ryfel Byd. Mae'r brif amgueddfa yn cynnwys 11 o orielau, gellid hefyd ymweld â bwthyn Elsa, sef bwthyn Cymreig traddodiadol, hen gegin y palas sy'n cynnwys arddangosfa o ddulliau gwledig o gynhyrchu bwyd, a chapel y palas sydd wedi'i gadw mewn cyflwr arbennig

Oriel

• 
• 
• 
• 
• 
• 
• 
• 
• 
•