Ann Griffiths (telynores)

Telynores o Gymraes oedd Ann Griffiths (26 Hydref 1934 – 24 Gorffennaf 2020).

Ann Griffiths
Ganwyd	26 Hydref 1934  Caerffili
Bu farw	24 Gorffennaf 2020  Rhaglan
Dinasyddiaeth	Cymru
Galwedigaeth	telynor

Fe'i ganed yng Nghaerffili ym 1934. Graddiodd o Brifysgol Caerdydd cyn astudio'r delyn yn Conservatoire de Paris, lle enillodd ei Premier Prix ym 1958. Ym 1959 daeth yn brif delynores gyda'r Tŷ Opera Brenhinol, Covent Garden, yn ogystal â dechrau gyrfa ryngwladol fel unawdydd cyngerdd. Roedd hi'n bennaeth adran y delyn yng Ngholeg Cerdd a Drama Cymru, Caerdydd, nes iddi ymddeol ym 1979.

Cyhoeddodd nifer o gyfansoddiadau ar gyfer y delyn, gan gynnwys trefniannau o ganeuon gwerin Cymru, yn ogystal â llawlyfr hyfforddi, Saith Gwers i Ddechreuwyr (1964). Cyhoeddodd nifer o erthyglau am hanes y delyn a thelynorion. Un arall o'i diddordebau ymchwil oedd Augusta Hall, Arglwyddes Llanofer, ac roedd hi'n Gadeirydd Cymdeithas Gwnynen Gwent (Lady Llanover Society). Gyda’i gŵr, Dr Lloyd Davies (1923–2002), sefydlodd y cwmni Adlais Music Publishers.

Bu farw gartref yn Rhaglan, Sir Fynwy yn 2020.