Souk-Ahras: Gwahaniaeth rhwng fersiynau
(Dim gwahaniaeth)
|
Fersiwn yn ôl 22:07, 15 Gorffennaf 2007
Mae Souk-Ahras (enw hynafol: Tagaste) yn dref a wilaya (rhanbarth) yn Algeria. Fe'i lleolir yng ngogledd-ddwyrain y wlad, yn agos i'r ffin â Tunisia.
Ystyr yr enw Souk-Ahras yw "Marchnad y llewod" (o'r gair Arabeg سوق souk 'marchnad' a'r gair Berber ahras 'llew'), ac fe'i gelwir felly am fod yr ardal yn adnabyddus yn y gorffennol am y llewod a oedd yn byw yng nghoedwigoedd yr ardal hyd ddiwedd y 19eg ganrif.
Souk-Ahras (Tagaste) oedd tref enedigol Sant Awstin o Hippo.
Mae ffordd yn cysylltu Souk-Ahras a Le Kef yn Tunisia a rheilffordd yn ei chysylltu ag Algiers, prifddinas y wlad, a Jendouba yn Tunisia.
Mae Afon Medjerda yn tarddu ger Souk-Ahras ac yn llifo i'r dwyrain ac yna dros y ffin ar ei thaith i'r Môr Canoldir rhwng Bizerte a dinas Tunis.