Bu aelod o brif gangen y teulu, [[Arthur Bulkeley]], yn [[Esgob Bangor]] rhwng [[1541]] a [[1552]]. Adeiladwyd plasdy Baron Hill gyntaf yn [[1618]] gan Syr [[Richard Bulkeley (bu farw 1621)]]. Gwnaed ei fab, [[Thomas Bulkeley, Is-iarll 1af Bulkeley|Thomas]] (1585-1659), yn [[Is-iarll Bulkeley]].
Cynrychiolwyd Sir Fôn a'i bwrdeisdrefibwrdeistrefi yn San Steffan gan aelodau o deulu Bulkeley neu eu cefnogwyr bron yn ddi-fwlch o ganol y [[16g]] hyd ganol y [[19g]]. Torïaid uchel oeddynt o ran gwleidyddiaeth, ac yn y [[18g]] amheuid hwy o gydymdeimlad a [[Jacobitiaeth]]. Daeth y brif linach i ben pan fu farw'r seithfed Is-iarll [[Thomas Bulkeley, 7fed Is-iarll Bulkeley|Thomas Bulkeley]] heb blant yn [[1822]]. Ei etifedd oedd Syr Richard Williams, mab ei hanner brawd, ac yn 1827 newidiodd ef ei enw i Syr Richard Bulkeley Williams Bulkeley. Mae'r teulu Williams Bulkeley yn parhau i fyw yn yr ardal, er bod Baron Hill yn adfail.
