Castell Conwy: Gwahaniaeth rhwng fersiynau

[[Castell]] canoloesol yn nhref [[Conwy (tref)|Conwy]] ar lan [[afon Conwy]] yw '''Castell Conwy'''. Cynllunwyd y castell gan y pensaer Ffrengig [[James o St George]] ac fe'i adeiladwyd gan [[Edward I, brenin Lloegr]], er fod [[Rhisiart o Gaer]] yn gyfrifol yn y dechrau ([[1283]]). Adeiladwyd y castell a'r dref gaerog ar ben adfeilion [[Abaty Aberconwy]], a ddinistrwyd gan Edward er mwyn defnyddio'r safle, ac mae mur o gwmpas y dref gyfan gan mai Saeson oedd trigolion y dref newydd. Roedd Castell Conwy, yn wahanol i nifer o gestyll eraill James o St George, heb fod yn gonsentrig ond yn cael ei godi yn ôl cynllun llinellol oherwydd ffurf y safle creigiog. Mae'r wyth tŵr anferth gyda'u tyredau a'r muriau cysylltu i gyd yn gyfan.<ref>''Over Wales'', Pitkin Unichrome 2000</ref> Mae'r castell yng ngofal [[Cadw]], ac, fel un o gestyll Edward I yng ngogledd Cymru, mae ar restr [[Safleoedd Treftadaeth y Byd]] [[UNESCO]] ers [[1986]].