Cedwir testun ''Beowulf'' mewn [[llawysgrif]] sy'n dyddio o tua dechrau'r 11g, ond credir gan mwyafrif o feirniadau i'r gerdd gyrraedd ei ffurf bresennol rhywbryd cyn hynny. Dichon fod hyn yn ddiwedd proses o drosglwyddo ar lafar ond ni ellir gwybod hyn i sicrwydd.
Fe'i hystyrir yn un o'r cerddi Hen Saesneg pwysicaf. Cyfansoddwyd y gerdd gan feirdd anhysbys yn [[EastDwyrain Anglia|Nwyrain Anglia]], [[Lloegr]] o bosibl, gan gyrraedd ei ffurf bresennol rywbryd rhwng y 7fed a'r 10g OC, ond fe'i lleolir yng nghymdeithas arwrol [[Llychlyn]] fel yr oedd hi cyn i'r Eingl-Saeson groesi'r môr. Y gred gyffredinol yw fod rhai o'r cymeriadau sydd yn y gerdd (e.e. y Brenin Hroðgar a'r Scyldings) yn bobl go-iawn, o gig a gwaed a oedd yn trigo yn y gwledydd Sgandinafaidd yn y 6g.<ref>{{Dyf gwe |url=http://www.carlaz.com/phd/cea_phd_chap4.pdf |teitl=Formation and Resolution of Ideological Contrast in the Early History of Scandinavia (Ph.D. thesis) |awdur=Carl Edlund Anderson |dyddiad=1999 |gwaith= |cyhoeddwr=Prifysgol Caergrawnt |dyddiadcyrchiad=29 Chwefror 2012 |iaith=Saesneg |dyddiadcyrchiad=12/03/2012}}</ref>
