Archifdy Sir Benfro

Mae Archifdy Sir Benfro, neu Archifau Sir Benfro, yn archifdy sirol ac yn ystorfa archifau a leolir yn nhref Hwlffordd yn ne-orllewin Cymru .

Archifdy Sir Benfro

Math	archif rhanbarthol, archifdy sir
Daearyddiaeth
Sir	Sir Benfro
Gwlad	y Deyrnas Unedig
Cyfesurynnau	51.8027°N 4.9704°W
Rheolir gan	Cyngor Sir Benfro

Er bod yr Uwchgapten Francis Jones wedi cychwyn arolygon rhagarweiniol o gofnodion sir Benfro mor bell yn ôl â’r 1930au, dim ond ym 1963 y penodwyd yr archifydd sirol cyuntaf yn Hwlffordd. Sefydlwyd y swyddfa gyntaf yn y dref ym 1967, o fewn hen garchar y sir fel cartref i archifau'r Cyngor sir. Mae'r archifdy hefyd yn gartref i archifau esgobaethol ar gyfer rhan o esgobaeth Tyddewi .

Heblaw am gadw cofnodion awdurdod lleol a sesiynau chwarter, ynghyd â llawer o gofrestrau plwyfol sir Benfro, y mae daliadau arwyddocaol eraill yn cynnwys papurau teulu ac ystad yn ymwneud â John Mirehouse o Angle, Caeriw o Lys Caeriw a Lort-Phillips o Lawrenni.

Symudodd y swyddfa i adeilad a ddyluniwyd yn bwrpasol ym mis Mawrth 2013. Mae hwn ar safle hen Ysgol Iau Pendergast, gyda'r llyfrgell astudiaethau lleol hefyd yn trosglwyddo i'r lleoliad newydd.