Mae Argos (Groeg: Άργος, Árgos,) yn ddinas yn y Peloponnesos yng Ngwlad Groeg, gerllaw Nafplio. Ceir olion o'r cyfnod Neolithig yn y cysegr yn Argolis, rhyw 45 o stadia o Argos, i gyfeiriad Mycenae. Roedd y fangre yma wedi ei chysegru i'r dduwies Hera. Yn y cyfnod Myceneaidd roedd Argos yn ddinas bwysig, ynghyd â dinasoedd cyfagos Mycenae a Tiryns. Ym mytholeg Roeg mae Perseus yn mynd ag Andromeda i Argos wedi iddynt briodi, ac maent yn sefydlu llinach brenhinol y Perseidiaid yno.

Argos
Grækenlands ældste teater i Argos(10.07.05).JPG
Math dinas Edit this on Wikidata
Poblogaeth 22,209 Edit this on Wikidata
Cylchfa amser UTC+2, UTC+03:00 Edit this on Wikidata
Gefeilldref/i
Abbeville, Ardea, Episkopi, Mtskheta, Argoncilhe Edit this on Wikidata
Daearyddiaeth
Sir Bwrdeistref Argos-Mykines Edit this on Wikidata
Gwlad Baner Gwlad Groeg Gwlad Groeg
Arwynebedd 138.14 km² Edit this on Wikidata
Uwch y môr 42 metr Edit this on Wikidata
Cyfesurynnau 37.62°N 22.72°E Edit this on Wikidata
Cod post 21200 Edit this on Wikidata
Arddull pensaernïol pensaernïaeth Fysantaidd Edit this on Wikidata
Gweddillion hen theatr Argos

Wedi'r 6g CC. daeth Sparta yn fwy pwerus, ac effeithiodd hyn ar safle Argos. Roedd cryn elyniaeth rhwng Argos a Sparta, ac ni ymladdodd Argos yn ystod Rhyfeloedd Groeg a Persia. Yn ystod y Rhyfel Peloponnesaidd yn y 5g CC. roedd Argos yn bleidiol i Athen yn erbyn Sparta, ond ni chymerodd lawer o ran yn yr ymladd. Yn y 12g adeiladwyd castell, Kastro Larissa, ar fryn Larissa, safle'r hen Acropolis.

Y demarkheio (Neuadd y Ddinas) yn Argos

Mae dinas Argos yn awr yn brifddinas y dalaith o'r un enw, un o dair talaith yn nomos Argolis.Yn 2001 roedd y boblogaeth yn 27,550.