Baldwin, Archesgob Caergaint
Prelad o Sais o dras Normanaidd oedd Baldwin, Archesgob Caergaint (c. 1125 – 19 Tachwedd 1190). Fe'i ganwyd yng Nghaerwysg, Dyfnaint, i deulu mewn amgylchiadau digon cyfyng. Cafodd ei benodi yn esgob Caerwrangon yn 1180 ac yna'n archesgob Caergaint yn 1184. Coronodd y brenin Rhisiart I o Loegr.
| Baldwin, Archesgob Caergaint | |
|---|---|
 | |
| Ganwyd | c. 1125  Caerwysg |
| Bu farw | 19 Tachwedd 1190 Teyrnas Jeriwsalem |
| Galwedigaeth | llenor, offeiriad Catholig |
| Swydd | abad, Roman Catholic Archbishop of Canterbury, esgob esgobaethol |
Mae Baldwin yn fwyaf adnabyddus yng Nghymru am iddo deithio yng nghwmni Gerallt Gymro ar ei daith trwy Gymru yng ngwanwyn a haf y flwyddyn 1188. Pwrpas swyddogol y daith enwog honno oedd i berswadio'r Cymry a'u cymdogion Normanaidd i fynd ar groesgad i'r Tir Sanctaidd, ond digon tila fu'r ymateb gan y Cymry a Normaniaid hirben. Cafodd Baldwin ei hun ei ladd ym Mhalesteina yn 1190, wedi mynd allan i gefnogi'r Croesgadwyr.