Baner Abchasia

Mae gan faner Abchasia saith stribed llorweddol, pedwar yn wyrdd a thri yn wyn, gyda llaw-dde wen â saith seren wen mewn arc uwch ei phen ar gefndir coch yn y canton.

Baner Abchasia

Enghraifft o'r canlynol	baner cenedlaethol
Lliw/iau	gwyrdd, gwyn, coch
Dechrau/Sefydlu	23 Gorffennaf 1992
Ffeiliau perthnasol ar Gomin Wicimedia

Baner Abchasia

Gweriniaeth Abchasia

Crewyd baner Gweriniaeth Abchasia yn 1991 gan V. Gamgia. Mabwysiadwyr yn swyddogol ar 23 Gorffennaf 1992. Mae cynllun y llaw goch canton wedi ei seilio ar faner Gano Oesol Brenhiniaeth Abkhazia. Mae'r llaw agored yn golygu "Helo i Gyfeillion! Stop i Elynion!". Mae'r saith seren yn y caton wedi eu ail-ddadansoddi i gyfeisio at y saith rhanbarth hanesyddol yn y wlad - Sadzen, Bzyp, Gumaa, Abzhywa, Samurzaqan, Dal-Tsabal and Pskhuy-Aibga.

Mae'r saith streipen gwyrdd a gwyn wedi eu seilio ar Weriniaeth Fynyddyg Gogledd y Cawcasws, yr ystyriodd Abkhazia ei bod yn rhan ohono wedi diwedd y Rhyfel Byd Cyntaf. Mae saith hefyd yn rhif cysegredig i'r Abkhaziaid ac mae'r gwyrdd a'r gwyn yn cynrychioli goddefgarwch Cristnogaeth ac Islam i gyd-fyw gyda'i gilydd.

• 
  Dynes yn gwisog ffrog ar ffurf y faner
• 
  Plant yn chwifio'r faner
• 
  Hofrennydd yn cyhwfan y faner
• 
  Parêd gyda'r faner

Gweriniaeth Hunanlywodrathol Abkhazia

Mae Gweriniaeth Hunanlywodraethol Abkhazia sydd o dan reolaeth Llywodraeth Georgia (sy'n hawlio bod Abkhazia yn rhan o'i thiriogaeth) yn defnyddio baner sy'n cyfuno baner Jeorojia gyda streipiau gwyrdd a gwyn y Abkhazia annibynnol.

Baneri Hanesyddol

Gweriniaeth Sofiet Sosialaidd Abkhazia

Mabwysiadwyd baner GSS Abkhazia yn 1925 pan basiodd Gweriniaeth Sofiet Sosialaidd Abkazia ei chyfansoddiad. Arddelwyd hi nes 1931, pan di-raddwyd statws Abkhazia i Weriniaeth Awtomanaidd Sofiet Sosialaidd Abkhazia gyda baner wahanol.

Gweriniaeth Awtomanaidd Sofiet Sosialaidd Abkhazia

Cyflwynyd y faner hon o'r Weriniaeth Awtomanaidd Sofiet Sosialaidd Abkhazia yn 1978 a'i defnyddio nes cwymp yr Undeb Sofietaidd yn 1991. Roedd y faner flaenorol a ddefnyddwyd rhwng 1931 ac 1978 union yr un fath i faner GSS Georgia ac yn 1978 ychwanegwyd yr enw GASS Abkhazia wedi ei hysgrifennu yn yr iaith Abkhaz a gwyddor Abkhaz iddi.

Oriel

• 
  Baner Anchasia cyn concwest gan Ymerodraeth Rwsia
• 
  Baner Abchasia yn 1921
• 
  Baner Abchasia yn 1930
• 
  Baner Gweriniaeth Sofiet Sosialaidd Abchaisa (1925–31)
• 
  Baner Sofiet Hunanlywodraethol Sosialaidd Abchasia a gyflwynwyd yn 1978
• 
  Baner Abchasia yn 1989 ar derfyn yr Undeb Sofietaidd pan geisiodd Abchasia ennill statws fel Gweriniaeth lawn o fewn USSR

Diwrnod y Faner

Dynodwyd 23 Gorffennaf fel 'Diwrnod y Faner'. Ar 23 Gorffennaf 1992, cymeradwyodd Goruchaf Gyngor Abkhazia Faner Genedlaethol ac Arfbais Gweriniaeth Abkhazia. Dyluniwyd y symbolau hyn gan yr arlunydd Valery Gamgia, gan dynnu ysbrydoliaeth o faner Gweriniaeth Fynyddig Gogledd Cawcasws 1918. Cymeradwywyd Baner Wladwriaeth fodern Abkhazia yn ystod sesiwn o Gyngor Goruchaf y Weriniaeth yng nghanol gwrthdaro llawn tyndra rhwng carfanau Abkhaz a Sioraidd y dirprwyon. Daeth yr artist Valery Gamgia â fersiynau amrywiol o'r faner i'w hadolygu gan y comisiwn seneddol, y mae ei aelodau hefyd wedi awgrymu addasiadau. Cymeradwywyd fersiwn derfynol y faner gan Vladislav Ardzinba, Cadeirydd Cyngor Goruchaf ASSR Abkhaz. Ar ôl ei chymeradwyo, cyflwynwyd y faner sidan, sy'n mesur 1.5 metr wrth 70 centimetr, mewn cyfarfod cyhoeddus yn Sukhum.

Dolenni allanol

Comin Wikimedia

Mae gan Gomin Wikimedia
gyfryngau sy'n berthnasol i:

Flags of Abkhazia

• Flag of Abkhazia at FOTW
• The Story of Abkhazia's Flag: A Symbol of Independence erthygl ar wefan Abkhaz World, 2023

Ffynonellau

• (Saesneg) Flags of the World: Abkhazia

Eginyn erthygl sydd uchod am Georgia. Gallwch helpu Wicipedia drwy ychwanegu ato.