Bernard Brodie

Strategydd milwrol Americanaidd oedd Bernard Brodie (20 Mai 1910 – 24 Tachwedd 1978) a ysgrifennodd sawl gwaith dylanwadol ar strategaeth arfau niwclear Unol Daleithiau America.

Bernard Brodie
Ganwyd	20 Mai 1910  Chicago
Bu farw	24 Tachwedd 1978  Califfornia
Dinasyddiaeth	Unol Daleithiau America
Alma mater	Prifysgol Chicago National War College
ymgynghorydd y doethor	Jacob Viner
Galwedigaeth	academydd, tactegydd milwrol
Cyflogwr	Prifysgol Califfornia, Los Angeles Prifysgol Yale
Priod	Fawn M. Brodie
Gwobr/au	Medal Genedalethol Gwyddoniaeth

Ganwyd yn Chicago, Illinois. Enillodd ei ddoethuriaeth mewn cysylltiadau rhyngwladol o Brifysgol Chicago ym 1940. Gwasanaethodd yn swyddfa'r pennaeth dros ymgyrchoedd llyngesol yn ystod yr Ail Ryfel Byd (1943–45). Wedi'r rhyfel, fe addysgodd gysylltiadau rhyngwladol ym Mhrifysgol Yale. Ymunodd Brodie â'r RAND Corporation ym 1951 yn Santa Monica, Califfornia, ac yno fe weithiodd ar faterion amddiffyn a strategaeth niwclear hyd 1966. Addysgodd yn Adran Gwyddor Gwleidyddiaeth Prifysgol Califfornia, Los Angeles o 1963 i 1977. Bu farw yn Los Angeles ym 1978.

Ymhlith ei weithiau mae The Atomic Bomb and American Security (1945), The Absolute Weapon (1946), Strategy in the Missile Age (1959), Escalation and the Nuclear Option (1966), a From Crossbow to H-Bomb (gyda'i wraig Fawn M. Brodie; 1973).