Brian Caswell

Awdur ffuglen i oedolion ifanc yw Brian Paul Caswell (geni 13 Ionawr 1954). Mae'n byw yn Awstralia bellach, ond yn hannu o Gymru

Brian Caswell
Ganwyd	13 Ionawr 1954  Gwernaffield
Dinasyddiaeth	Awstralia
Alma mater	Prifysgol De Cymru Newydd
Galwedigaeth	llenor, awdur plant

Bywgraffiad

Ganwyd Brian Caswell ym mhentref Gwernaffield Sir y Fflint, ar 13 Ionawr 1954 . Symudodd ei deulu i Loegr, pan oedd yn 5 mlwydd oed. Pan oedd yn 12 oed, ym 1966, symudodd teulu Caswell i De Cymru Newydd. Derbyniodd gradd BA a Diploma Addysg o Brifysgol De Cymru Newydd. Yn y 1970au, dechreuodd Caswell i ganu a chyfansoddi caneuon, a bu'n llwyddiannus am rai blynyddoedd. Llwyddodd un o'i ganeuon i gyrraedd y 40 uchaf yn siartiau cerddoriaeth Awstralia ac enillodd Guitar Aur ar y cyd a'i frawd y cannwr gwlad Allan Caswell am gân y flwyddyn ym 1981. Daeth yn athro ysgol ym 1976, gan roi'r gorau i berfformio, ond yn parhau i ysgrifennu caneuon.

Rhwng 1976 a 1990 bu Caswell yn gweithio fel athro a hyfforddwr pêl-fasged Bu'n athro hanes, Saesneg ac ysgrifennu creadigol mewn sawl ysgol uwchradd. Dechreuodd ysgrifennu ar gyfer ei ddisgyblion gan gyhoeddi ei lyfr cyntaf, Merryll of the Stones, ym 1989. Rhoddodd y gorau i ddysgu ar ôl llwyddiant ei ddau lyfr cyntaf a dechreuodd ysgrifennu yn llawn-amser.

Ym 1998, dechreuodd weithio gyda'i ffrind a chydawdur David Chiem, i ddatblygu MindChamps - gwmni a sefydlwyd i ymchwilio i niwrowyddoniaeth a seicoleg addysg ac i ddatblygu strategaethau dysgu addas at ofynion yr 21ain Ganrif. Ers 2007 mae wedi ysgrifennu pum llyfr i rieni ac athrawon ar wahanol agweddau o addysg a datblygiad y meddylfryd dysgu..

Mae Caswell yn byw yn Fountaindale, De Cymru Newydd, gyda'i wraig, Marlene.

Llyfryddiaeth

Ffuglen:

• Merryll of the Stones (1989)
• A Dream of Stars (1991)
• A Cage of Butterflies (1992)
• Mike (1993)
• Lisdalia (1994)
• Dreamslip (1994)
• Darryl (1995)
• Deucalion (1995)
• Maddie (1995)
• Sweet Revenge (1995)
• Asturias (1996)
• Relax Max! (1997)
• Only the Heart (1997), ar y cyd â  David Phu An Chiem.
• Gargantua (1998)
• Gladiators in the Holo-Colosseum (1998)
• Messengers of the Great Orff (1998)
• TeeDee and the Collectors, or How It All Began (1998)
• The View from Ararat (1998)
• The Full Story (2002) ar y cyd â  David Phu An Chiem.
• Double Exposure (2005)
• Loop (2006)
• Cruisin' (2008)
• The Dreams of the Chosen (2013)

Addysg a Dysgu:

• Deeper than the Ocean (2007) ar y cyd â  David Phu An Chiem.
• The Art of Communicating with Your Child (2009) ar y cyd â David Phu An Chiem
• The 3-Mind Revolution (2009) ar y cyd â David Phu An Chiem (Ail argraffiad 2016).
• Talking with the Sky (2010) ar y cyd â David Phu An Chiem a Kylie Bell.
• Magic Moments: Small Beginnings (2013) ar y cyd â Carmee Lim.

Gwobrau ac anrhydeddau

Enwyd Merryll of the Stones, ei nofel gyntaf, yn Llyfr Anrhydedd gan Gyngor Llyfrau Plant Awstralia (CBC) ym 1990 yng Ngwobrau Llyfr y Flwyddyn ar gyfer darllenwyr hŷn. Cafodd ei ail nofel, A cage of butterflies, ei restru ar y rhestr fer ar gyfer Gwobr Llyfr y Flwyddyn CBC 1993, a Gwobr Llyfr Awdio y Flwyddyn. Ym 1995 derbyniodd Deucalion Gwobr Llenyddiaeth Heddwch y Plant, a Gwobr Aurealis ar gyfer Ffuglen Wyddoniaeth a Ffantasi (Adran Oedolion Ifanc). Roedd Deucalion hefyd ar y rhestr fer ar gyfer Gwobr Llyfr y Flwyddyn CBS 1996. Derbyniodd Lisdalia Gwobr Llenyddiaeth Amlddiwylliannol i Blant ym 1995, a chafodd ei ganmol yn fawr yng Ngwobrau Hawliau Dynol yr un flwyddyn.