Buddug Williams
Actores o Gymraes oedd Buddug Williams (1932 – 24 Gorffennaf 2021). Roedd yn fwyaf adnabyddus am chwarae cymeriad 'Anti Marian' rhwng 1999 a 2016 yn nrama sebon Pobol y Cwm ar S4C. Ar gychwyn y gyfres yn 1974 bu'n chwarae cymeriad arall, Bet Harries, mam Wayne, Sabrina a Reg.
| Buddug Williams | |
|---|---|
| Ganwyd | 1932  Cefneithin |
| Bu farw | 24 Gorffennaf 2021 Pen-y-groes |
| Dinasyddiaeth |  Cymru |
| Alma mater | |
| Galwedigaeth | actor teledu, actor ffilm, athro |
Bywgraffiad
golyguRoedd yn hanu o bentref Cefneithin yng Nghwm Gwendraeth. Bu'n hyfforddi fel athrawes yn Ngholeg y Barri ac aeth i ddysgu am gyfnod byr yn Birmingham.
Arferai berfformio gyda chwmnïau lleol yn Nghwm Gwendraeth ac yn Birmingham roedd yn rhan o The Welsh Centre Amateur Drama Society. Ymddangosodd mewn ffilmiau fel Twin Town a Very Annie Mary yn ystod ei gyrfa.
Ymunodd â Phobol y Cwm fel cymeriad rheolaidd yn 1999 gan chwarae Marian Rees, gwraig i Bob Rees ac yna modryb fusneslyd i Denzil Rees. Bu farw cymeriad Anti Marian yn ei chwsg mewn pennod a ddarlledwyd ar 24 Chwefror 2016.[1]
Ysgrifennodd Buddug ei hunangofiant yn y gyfrol Merch o'r Cwm.[2]
Bywyd personol
golyguRoedd yn briod ag Elwyn, a fu farw yn 2011 ac roedd ganddynt fab, Rhodri. Bu farw Buddug yn 88 mlwydd oed ar ddydd Sadwrn, 24 Gorffennaf 2021 yng Nghartref Plas y Bryn, Penygroes.[3][4] Cynhaliwyd ei hangladd ar ddydd Gwener, 13 Awst 2021, yn Amlosgfa Llanelli am 1.00pm o'r gloch.
Gwaith
golyguTeledu
golygu- Pobol y Cwm - Bet Harries (1974), Marian Rees neu 'Anti Marian' (1999–2016)
Ffilm
golygu- Very Annie Mary, 2001, ffilm teledu - Buddug Mair Williams
- Twin Town, 1997 - Mrs. Mort
Llyfryddiaeth
golygu- Merch o'r Cwm (Dref Wen, 2008) ISBN 9781855968288
Cyfeiriadau
golygu- ↑ Diwedd cyfnod - Cwsg mewn hedd. BBC Pobol y Cwm (24 Chwefror 2016).
- ↑ Dathlu'r 40 yng Nghwmderi , BBC Cymru Fyw, 16 Hydref 2014. Cyrchwyd ar 25 Chwefror 2016.
- ↑ Yr actores Buddug Williams wedi marw yn 88 oed , BBC Cymru Fyw, 25 Gorffennaf 2021.
- ↑ Hysbysiad marwolaeth Buddug Williams. Western Mail (31 Gorffennaf 2021). Adalwyd ar 2 Awst 2021.