Agor y brif ddewislen

Dinas fawr a bwrdeisdref fetropolitan yng Ngorllewin Canolbarth Lloegr yw Birmingham, a ddatblygodd yn y Chwyldro Diwydiannol, ond sydd â'i gwreiddiau yn yr Oesoedd Canol. Rhoddwyd statws dinesig swyddogol iddi yn 1889. Gyda phoblogaeth o dros un miliwn, Birmingham yw dinas ail fwyaf y Deyrnas Unedig ar ôl Llundain, ac mae hi'n ffurfio rhan sylweddol o ardal ddinesig Gorllewin Canolbarth Lloegr, sydd â chyfanswm o 2,284,093 o bobl yn byw yno [1] ac chynhwysa nifer o drefi a dinasoedd cyfagos megis Solihull, Wolverhampton a threfi'r Black Country. Ceir nifer o barciau a chamlesi yn y ddinas. Yn ystod yr Ail Ryfel Byd, hi oedd y ddinas Seisnig a effeithwyd yn fwyaf gan yr ymgyrch bomio Almeinig.

Birmingham
BirminghamUK skyline Centenary Square 700.jpg
Coat of arms of Birmingham.svg
Math metropolis Edit this on Wikidata
Poblogaeth 1,137,100 Edit this on Wikidata
Pennaeth llywodraeth Yvonne Mosquito Edit this on Wikidata
Cylchfa amser UTC±00:00, UTC+01:00 Edit this on Wikidata
Gefeilldref/i
Daearyddiaeth
Sir Birmingham Edit this on Wikidata
Gwlad Baner Lloegr Lloegr
Arwynebedd 267.77 ±0.01 km² Edit this on Wikidata
Uwch y môr 140 ±1 metr Edit this on Wikidata
Gerllaw Tame Valley Canal, Afon Tame Edit this on Wikidata
Cyfesurynnau 52.48°N 1.9025°W Edit this on Wikidata
Cod postEdit this on Wikidata
Pennaeth y Llywodraeth Yvonne Mosquito Edit this on Wikidata

Yn ystod y Chwyldro Diwydiannol roedd y ddinas yn ganolbwynt y chwyldro yn Lloegr, ac o ganlyniad gelwir Birmingham yn "weithdy'r byd" a "dinas o fil o grefftau".[2] Er i bwysigrwydd Birmingham fel dinas ddiwydiannol leihau, mae wedi datblygu i fod yn ganolfan fasnachol genedlaethol, ac fe'i henwyd yr ail le gorau yn yr Deyrnas Unedig i leoli busnes a'r 14eg yn Ewrop gan Cushman & Wakefield yn 2009.[3] Hyhi yw'r ddinas bedwaredd fwyaf o ran y nifer o ymwelwyr o dramor sy'n mynd yno hefyd.[4]

Yn 2007, rhoddwyd Birmingham yn ddinas 55ed hawsaf i fyw ynddi yn y byd a'r ail ddinas hawsaf i fyw ynddi yn y Deyrnas Unedig, yn ôl Rhestr Mercer o safonau byw rhyngwladol.[5] Mae gan Birmingham yr economi dinesig ail fwyaf yn y Deyrnas Unedig, a chyrhaeddodd rif 72nd yn y byd yn 2008.[6]

Gelwir pobl o Birmingham yn 'Brummies', term sy'n tarddu o ffugenw'r ddinas - 'Brum'. Daw hyn o enw tafodieithol y ddinas, Brummagem,[7] a allai fod wedi dod o un o enwau blaenorol y ddinas, 'Bromwicham'. Mae yna dafodiaith ac acen Brummie unigryw gan drigolion y ddinas, sy'n wahanol i'r hyn a geir yn y Black Country cyfagos. Mae'n bosib fod yr enw'n cyfeirio at lwyth Celtaidd a drigai yma yn amser y Rhufeiniaid gan iddyn nodi'r ystyr fel "cartref llwyth y Beorma" ("homestead/village of Beorma's people'")[8]

EnwogionGolygu

CyfeiriadauGolygu

Dolen allanolGolygu