Capel Seion, Aberystwyth

Capel enwad yr Annibynwyr^[1] yw Capel Seion, Stryd y Popty, Aberystwyth. Ni ddylid ei ddrysu gyda phentref gyfagos o'r un enw, Capel Seion. Gelwir y capel yn aml ar lafar, fel Capel Seion, Baker Street.

Lleoliad

Lleolir Capel Seion yng nghanol tref Aberystwyth ar Stryd y Popty. Mae'n gapel sylweddol o ran maint

Hanes

Adeiladwyd y Capel gyntaf ym 1814/5, ond fe'i hailadeiladwyd yn ddiweddarach i ddyluniad Richard Owens o Lerpwl ym 1878 a'i haddasu drachefn yn 1903 ac ar ôl 1908.^[2]

Fe'i hadeiladwyd ar safle trefol caeedig ac yn yr arddull Clasurol Eidalaidd, gyda dwy lawr ynghyd ag islawr. Mae ffasâd y talcen o waith maen rwbel wedi ei dorri gyda dresin breiniog wedi'i baentio.

Nodweddion Hanesyddol

Yn 1987 sefydlwyd y drefn o recordio oedfaon ar gyfer aelodau na allant fynychu oedfaon.^[3]

Yn 1989 syrthiodd darn sylweddol o nenfwd y Capel a bu oedfaon yn cael eu cynnal yn y festri hyd Mai 1990, pryd yr ail agorwyd y Capel. Costiodd y gwaith atgyweirio gyfanswm o £9,450.

Yn 1991 mentrwyd arbrofi trwy gynnal Ysgol Sul y plant yn ystod Oedfa’r Bore, gyda’r plant yn y gynulleidfa hyd at ddiwedd yr ail emyn a chyfle i’r Gweinidog, neu bregethwr arall ar ei dro, i roi anerchiad neu stori iddynt, cyn iddynt ymneilltuo i’r Festri. Daeth hwn yn drefniant parhaol.

Yn 1998 sefydlwyd y Cwrs Alffa^[4] ar aelwyd Bronallt.

Trefn y Gwasanaethau

10.00 Oedfa yr Ysgol Sul. Rhoddir anerchiad gan y Gweinidog

6.00 Oedfa’r hwyr

Gweinidog a chyn-weinidogion

Y Parch. Gwilym Tudur.

Cyfeiriadau

Dolenni allanol

[1] ttps://seionaberystwyth.cymru/ein-hanes/amlinelliad-byr-o-hanes-yr-annibynwyr/

[2] ttp://www.coflein.gov.uk/cy/site/7147/details/seion-welsh-independent-chapel-baker-street-aberystwyth

[3] ttps://seionaberystwyth.cymru/ffeiliau-mp3/^{[dolen farw]}

[4] ttps://seionaberystwyth.cymru/teulu-seion/y-cwrs-alffa/^{[dolen farw]}

[1]

[2]

[3]

[4]