Catrin ferch Owain Glyn Dŵr

Merch hynaf Owain Glyn Dŵr a'i wraig Margaret Hanmer oedd Catrin ferch Owain Glyn Dŵr (bu farw c. 1413). Priododd Edmund Mortimer wedi iddo ef wneud cynghrair a'i thad, a chawsant nifer o blant.

Catrin ferch Owain Glyn Dŵr
Ganwyd	14 g
Bu farw	1413  Llundain
Tad	Owain Glyn Dŵr
Mam	Margaret Hanmer
Priod	Edmund Mortimer
Llinach	Teulu Mortimer

Cofeb i Catrin ar safle ei bedd yn Llundain.

Cymerwyd Catrin a dau o'i phlant yn garcharor i Dŵr Llundain, wedi i Gastell Harlech syrthio i'r Saeson yn 1409. Roedd ei gŵr wedi marw yn ystod y gwarchae ar y castell. Mae'n debyg iddi hi a'i merched farw mewn caethiwed ar y 1af o Ragfyr, 1413; claddwyd hwy ym mynwent Eglwys San Switan (Saesneg: St. Swithin's Church), Llundain.

Dymchwelwyd Eglwys Sant Switan gan fomiau'r Almaen yn yr Ail Ryfel Byd. Arferai sefyll ar ran ogleddol Cannon Street, rhwng Salters' Hall Court a St Swithin's Lane, Cyn hynny, llosgwyd yr eglwys yn Nhân Mawr Llundain, a'i hail-adeiladu i gynllun gan Christopher Wren. Mae'r cofnod cyntaf sydd ar gael sy'n crybwyll yr eglwys yn ymwneud â Chatrin. Yn un o ddogfennau'r Trysorlys, 1413, nodir taliad "for expenses and other charges incurred for the burial of the wife of Edmund Mortimer and her daughters, buried within St Swithin's Church London ... £1".

Dadorchuddiwyd cofeb iddi a gynlluniwyd gan Nic Stradlyn-John yno gan Siân Phillips yn 2001. Gwnaed y gofeb allan o o garreg las Gelligaer wedi'i gerfio gan Richard Renshaw o Gwmdu.

Llinach Catrin ac Edmwnd

Phylip Hanmer

Syr David Hanmer Cefnogi OGD m. 1387

Angharad merch Llywelyn Ddu

Owain Glyn Dŵr Tywysog Cymru

Margaret Hanmer 1370 – tua 1420)

John Cefnogi OGD

Phylip Cefnogi OGD

Gruffudd Cefnogi OGD

Gruffudd m. 1411

Maredudd Yn dal yn fyw yn 1417

Catrin ferch Owain Glyn Dŵr m. 1413

Edmund Mortimer Cefnogi OGD m. 1409

Roger Mortimer Iarll y Mers m 1398