Cefn Coch, Rhuthun

Ffermdy hynafol, ffrâm bren, sy'n nodedig am lawysgrifau Cefn Coch yw Cefn Coch a leolir rhyw filltir o Rhuthun, Sir Ddinbych. Cefn Coch oedd cartref Henry Price, prifathro Jacobitaidd Ysgol Rhuthun, y mae ei gofeb yn eglwys y plwyf, Llanfair Dyffryn Clwyd. Ar y tir, ceir hefyd gloddfa hynafol, Crug Cefn Coch, Crug crwn llydan iawn a godwyd gan bobl Oes Newydd y Cerrig neu Oes yr Efydd fel rhan o'u seremonïau.

Cefn-coch

Math	ffermdy
Sefydlwyd	1643
Daearyddiaeth
Lleoliad	Llanfair Dyffryn Clwyd
Sir	Llanfair Dyffryn Clwyd
Gwlad	Cymru
Uwch y môr	73.5 metr
Cyfesurynnau	53.104305°N 3.28458°W
Cod post	LL15 2UP
Statws treftadaeth	adeilad rhestredig Gradd II, Henebion Cenedlaethol Cymru
Manylion
Ffeiliau perthnasol ar Comin

Gosodwyd sgerbwd y tŷ ar ffurf 4 ffrâm, o ran uchder, a saif y fframiau pren hyn ar lwyfan cadarn o galchfaen. Adeiladwyd waliau'r gogledd a'r gorllewin o fric.

Awyrlun o'r ffermdy gyda bryniau Dyffryn Clwyd i'r Dwyrain

Ceir y dyddiad 1643 wedi'i gerfio ar drawst bren ar un o ystafelloedd gwely'r ffermdy. Fe'i cofrestwyd gan Cadw yng Ngorffennaf 1966 oherwydd ei fod yn 'ffermdy mewn grŵp da o adeiladau ffrâm bren a gwaith brics'.